|
|
آسفه على مداخلتي من جديد بس الموضوع شد انتباهي وأحس انه يحتاج للنقاش بشكل مطووول
هو انا معك اخوي العمر ليس مقياس وكلامك في مكانه لكن الدنيا تغيرت وصار العصر عصر الماسنجر وللأسف الأغلبيه يستخدمه بطريقه خاطئه ولا تمت للصحه بأي صله ,وعلى فكره اغلب الشباب اللي يضيفون بنات في ايميلاتهم مراهقين ومجرد يحتاجون الرعايه وبعض الإهتمااام ربما فقدوا هذا الشئ في البيت وعند الأسره فا تلقى الشاب يتعرف له على وحده يوضح لها الحب والإخلاص والموده بس بمقااابل الماده ربما تستغرب هالشئ لكن وربي الشباب هالأيام ماصاروا يستحون صاروا هم اللي يطلبون بطاقات شحن وتسديد فواتير وتعبئه بانزين للسياره يعني صراحه شئ مخجل ومؤسف ويصعب علينا تقبله ,فا الإيميل وما أدراك ماالإيميل اغلب المصايب والبلاوي تكووون بدايتها منه , اكرر اسفي من جديد لمداخلتي بس حبيت أعطي الموضوع حقه ... "اتمنى ردي ماينحذف الله يهديهم انا من اكتب شئ القى ثلاث ارباعه محذووف او كله " الله يعطيك العافيه تحياتي لكـــ... http://img472.imageshack.us/img472/7908/is046ui7.gif |
نعم صحيح حتى وصل الأمر بان تتلاعب هي الفتاة على فتاة من جنسها بأنها شاب
وتجعل تلك البنت تستمر معها بأنها الصديق والعاشق الولهان لا حول ولا قوة إلا بالله اللهم استر على بناتنا وشبابنا يارب الله يعطيك العافيه |
هلا فيك أختي تولين من جديد....
بالعكس ياأختي تولين كلامك صحيح 100 على 100 صحيح انوا كثير من الشباب ماصاروا يستحون خصوصا في موضوع المسنجر وعلى فكره أنا اعرف شباب يتصيدون البنات ع المسن الهدف الاول انوا يبي يدخل البنت في وهم الحب والغرام وهو كذاب في الاصل ... البنات في طبعهم وهذا شي معروف هم أكثر من الشباب ...يتعلقون ورى هذا الوهم أن اقصد بالوهم هنا هو الحب الوهمي وخصوصا ع المسن .... البنت أذا ماوجدت عاطفه كافيه من البيت الي هي عايشه فيه مليون في المئه هي رايحه تبحث عن الشي المفقود عندها.. والشيطان مامات يجري في عروق بني آدم مجرا الدم.... كيف أجل الحين وحنا في عصر التطور والكبيوتر العالم اصبح قريه ..... بخصوص المسنجر ان اعرف قصص كثيره صارت حق بنات بسبب المسنجر والله ياأختي تولين لو اقعد من اليوم الى بكره ماخلصت من الكلام عن استخدام المسنجر بشكل سيى وغير جيد .... الكلام هنا يطول ...بس والله العظيم انا وضعت هذا الموضوع وكنت أقصد البنات بشكل خاص .... منشان البنت مثل الزجاجه أذا انكسرت تنتهي ... والشباب يلقون لهم بدال الوحده الف يلعبون عليها.. أنا كلامي واضح ...شنو اقصد بالزجاجه .... وأما عن كلامك انوا الشباب هالأيام ماصاروا يستحون صاروا هم اللي يطلبون بطاقات شحن وتسديد فواتير وتعبئه بانزين للسياره هذا للاسف صاير وبكثره بعد .... أنا مره كنت داخل بقاله ودخل واحد الشباب يمكن عمره 17 سنه بس.... طلب الهندي بطاقة شحن ب50 ريال ....التصدقين انوا ارسالها المبلغ عن طريق الجوال قدامي ويتكلم وكنا هذا الشي عادي ...ويقولها أنا ناطرك اليوم ع المسن عن طريق الجوال.... وانا قمت اطالع فيه وهو يطالع فيني ويقولي ويش فيك ترى السالفه شي عادي ... وأذا ودك تتعرف على بنت ترى عندي لك وحده يحبها قلبك... والهندي حق البقاله يضحك .... وصار بيني وبينه نقاش طويل ...الوقت الحين مايسمح أخاف أني طولت.... الخلاصه البنت دايم تضعف أمام الشباب /// ويش انقول الحين وحنا في عصر المسن... ولله ياأختي انشوفهم ذول المراهقين في الشوارع ...أتقولين عصابات مافيه على البنات ... عشان كيذا أنا حطيت هذا الموضوع .... والمقصود بالدرجة الاولى البنات.... بنسبه حق الحذف كلامك هذا مطلوب وكله صحيح ... والمفروض يعطى كل واحد الحريه في رايه ... لا بد أن نتعلم المحاوره المفيده التي تخدم ولا تضر.... أختي تولين يسعدني جدا وجودك ونقاش الجميل... بارك الله فيك.... يعطيك الف عافيه..... http://img27.imageshack.us/img27/6359/pn480488v.gif |
هلا أختي العاصفه ومشكوره ع المرور الجميل...
بارك الله فيك.... http://img27.imageshack.us/img27/6359/pn480488v.gif |
http://img14.imageshack.us/img14/4933/pn480488.gif
والله موضوع في غاية الأهمية وإن شاء الله في موازين أعمالش وجزاك الله خير ياكلمة حق إن شاء الله يستفيدون منه الشباب والبنات وشكرا |
يعطيك العافيه أخي الحووووووت....
ومشكور ع المرور الكريم منك.... بارك الله فيك http://img27.imageshack.us/img27/1363/pn480488q.gif |
موضوع في غايه الاهميه ولي عوده باذن الله بعلومات مفيده
وكل الشكر لك وجعله بميزان حسناتك |
موضوعك يا كلمة حق في غاية الاهمية
|
حياك الله أخي حوران ....
ومشكور ع المرور الكريم منك.... ننتظر منك الجديد.... بارك الله فيك http://img232.imageshack.us/img232/8094/jjjjjjjjj.gif |
| الساعة الآن 12:19 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون