|
ابطينا من دلاختي شسوي مالي في الشعر بس بالقوه ابي اصير شاعر
واي لحن ثالث بعد تقصد اللي قبل |
سلام عليكم وشلونك طيب هذا محاوله الظاهر انها بتمشي هالمره لكن يالله هي بتصير نفس اللي قبل لكن مايمنع احاول نهجر امورالسقيطه--نتبع حسين المجيره نسلك دروبً نحيطه--نقطع عهود المسيره يتبع وسنينها تمضي سنينه--وشهورها حب البذيره وايامها حي المدينه--وعلومها ماهي دشيره يتبع شعري على هجين ياخذني--خلي من الشعر ملاني عقلي على بحري ساعدني--عطني من الشعر اوزاني هذا محاوله ويعطيك العافيه |
سلسال الذهب اهلين وسهلين قال سلسال : ((ابطينا من دلاختي شسوي مالي في الشعر بس بالقوه ابي اصير شاعر واي لحن ثالث بعد تقصد اللي قبل )) قال عبدالرحمن : واللـه ما ادري يا سلسال انت دلخ او ذكي والظـاهر أنك ذكي لكـنك تـسـتـعـجـل .... - الأبيات اللي كتبتها كلها موزونة على ثلاثة ألحان .. والشي الزين ان الألحان الثلاثة ما تداخـلت مع بعضها مثـل الأول ( أحمر ، وأخضر ) . - واللـه ما ادري يا سلسال .. يمكن أنت شاعـر وجاي تمـتحـني . نهجر امورالسقيطه--نتبع حسين المجيره نسلك دروبً نحيطه--نقطع عهود المسيره لحـن رقم ( 1 ) جميل وموزون يتبع وسنينها تمضي سنينه--وشهورها حب البذيره وايامها حي المدينه--وعلومها ماهي دشيره لحـن رقم ( 2 ) جميل وموزون يتبع شعري على هجين ياخذني--خلي من الشعر ملاني عقلي على بحري ساعدني--عطني من الشعر اوزاني لحـن رقم ( 3 ) جميل وموزون - أنت الحـين عاجـبني واااااااااااااااااااااااجـد . - بس طـعـني وسـجـلها مثل كذا بالأرقام عـلـشان بعـدين إذا طلبت منك اللحـن والرقم تجـيب عليه . - ترى إذا ما طـعـتـني وقمت تخـلط بالألحـان في قصيدة واحـدة تراني ما ني راد عليك .. فهـمت . قال عبدالرحمن : أكـتب لي على نفـس الطريقة كل بيتين على لحـن . ياللـه بانـتــظـــارك يالشــاعر . = |
سلام عليكم
وشلونكم بواديب مساك الله بالخير غنيت لكل واحد لحن وان شاء الله اوكي نرمي هموم الوزيره--نجمع عموم القبيله بيتً كبيرًحصيره--يمتاز حسب الخصيله يتبع وعلومها علم البصيره--وعيونها عينً تخيله وجفونها تبكي حسيره--ودموعها تنزل هليله يتبع مني على هجين سلامه--اللي على بحره هداني قلي عن هجين غرامه--اللي على طرقه وداني يالله ان شاء الله اني وفقت والله يعطيك العافيه |
سـلسـال الـذهـب - حـياك الله .. لكـني ماني راد عليك ولاني قايل لك شـي - لأنك ما طـعـتني واللي ما يطيع يضـيع وانت ضـعت هالحـين . - حتى ما كلفت نفسـك تحـط أرقام على الألحان .. ولا سـجـلتها في مسـجل . بانـتــظــارك . = |
حـياك الله
الله يحيك .. لكـني ماني راد عليك ولاني قايل لك شـي اوكي على راحتك عمي يعطيك العافيه منت مجبور ترد وشاكر لك على مجهودك وتعبك معي - لأنك ما طـعـتني واللي ما يطيع يضـيع وانت ضـعت هالحـين . ماطعتك ليش ماطعتك ويالله انا ضعت يسهل الله يعيني ربي - حتى ما كلفت نفسـك تحـط أرقام على الألحان وين احط ارقام هنا يعني .. ولا سـجـلتها في مسـجل . سجلتها الله يبارك فيك بانـتــظــارك . يالله بالتوفيق للجميع |
سلسال الـذهـب حياك الله قال سلسال : اوكي على راحتك عمي يعطيك العافيه منت مجبور ترد . قال عبدالرحمن : شـفـت ردك يا سلسال ! ! يعـني كله واحـد ما عـندك أهمية للموضوع . - المفروض تقول لي لا تسـعـجل ابارجع واشوف وين اللي فيه خلل وباكتبه مرة ثانية . وتوضح لي أنك سـجلت الألحان ورقمتها وتدربت عليها . - وتقول هذا اللحـن رقم واحـد فتحت المسـجل أو الجوال وسـمعته وكررته يوم تأكدت من اللحـن كتبت بيتين وش رايك ؟ . - وهـذا اللحـن رقم اثنين سويت مثل اللحـن رقم واحـد ويوم تأكدت من اللحـن كتبت لك بيتين وش رأيك ؟ . - وهذا اللحـن الثالث سـمعته من التسـجيل وكررته اكثر من مرة ويوم تأكدت من هذا اللحـن كتبت عليه بيتين وش رأيك ؟ . بالطريقة ذي أعـرف أنك مو مسـتعـجل وأنك حريص مهـتم للموضوع . - ما تشـوفني افرح معك إذا صار الوزن عـدل وأشجعك واقول لك اكتب مرة ثانية ولا تسـتعـجل كل هذا علشان يتأصل اللحـن عندك . - ثم إني واقول لك دائما ً أخبرني وش سـويت قبل ما تكـتب الأبيات على شان تتضح الصورة عـنك اكثر . بانـتــظـــارك . = |
قال سلسال : اوكي على راحتك عمي يعطيك العافيه منت مجبور ترد . قال عبدالرحمن : شـفـت ردك يا سلسال ! ! يعـني كله واحـد ما عـندك أهمية للموضوع . عندي انت المره الاوله تقول لاتجرب وقف والحين ماني راد عليك شقول شسوي- المفروض تقول لي لا تسـعـجل ابارجع واشوف وين اللي فيه خلل وباكتبه مرة ثانية . انا راجع من دون ماقولك لاني لو رجعت لنفسي اشوف وين الخلل مني ولا من اللحنوتوضح لي أنك سـجلت الألحان ورقمتها وتدربت عليها . مسجلهم- وتقول هذا اللحـن رقم واحـد فتحت المسـجل أو الجوال وسـمعته وكررته يسيوم تأكدت من اللحـن كتبت بيتين وش رايك ؟ . يس- وهـذا اللحـن رقم اثنين سويت مثل اللحـن رقم واحـد ويوم تأكدت من اللحـن كتبت لك بيتين وش رأيك ؟ . - وهذا اللحـن الثالث سـمعته من التسـجيل وكررته اكثر من مرة ويوم تأكدت يسمن هذا اللحـن كتبت عليه بيتين وش رأيك ؟ . وانا كذالكبالطريقة ذي أعـرف أنك مو مسـتعـجل وأنك حريص مهـتم للموضوع . - ما تشـوفني افرح معك إذا صار الوزن عـدل وأشجعك واقول لك اكتب مرة ثانية ولا تسـتعـجل كل هذا علشان يتأصل اللحـن عندك . يالله الله يعين - ثم إني واقول لك دائما ً أخبرني وش سـويت قبل ما تكـتب الأبيات على شان تتضح الصورة عـنك اكثر . وشقول نفس كل مره ابد اغنيها واغني الابيات اللي قبل واوصل هذول معهم بانـتــظـــارك . = |
سلام عليكم وشلونكم بواديب مساك الله بالخير بواديب اذا تعب معي خلاص نبطل مايحتاج اهم شي لازعل ولاتضيق خاطرك شوف اول شي سميت بالرحمن وتعوذت من ابليس ومن نفسي ثاني شي رحت شغلت اللحن الاول وسمعه عبيت عقلي وطلع اوكي الثاني ونفس الكلام وهذا اللحن رقم واحد نرمي هموم الوزيره--نجمع عموم القبيله ودي بجبر الكسيره--تمتاز حسب الخصيله يتبع وغنيتها وجربت غيرت بدلة وهذا لحن رقم 2 وعلومها علم البصيره--وعيونها عينً تعينه وجفونها تبكي حسيره--ودموعها دمعً مهينه ورحت وعفست وهذا رقم 3 يتبع مني على هجين سلامٍ--ربي على بحره هداني قلي عن هجين غرامٍ--حبي على طرقه وداني يالله ان شاء الله اني وفقت |
سلسال الـذهـب حياك الله عزيزي قال سلسال : بواديب اذا تعب معي خلاص نبطل مايحتاج اهم شي لازعل ولاتضيق خاطرك قال عبدالرحمن :بالعـكس انا مرتاح من انطلاقتك وانك قدرت تضبط ثلاثة ألحان في وقت واحد. . وهذا يدل على ذكائك وتمـكنك.. لكـن النـقـطة السلبية عـندك هي الإسـتعجال . شف يا سلسال : اللي اقول لك نفـذه لا تتهاون ولا تأجـله . حتى لو اقول لك ارسم شجرة او جبل .. طعني ، أو أقول لك وقف لا تكـتب هالحـين طعـني او اكـتب على اللحـن المعـين طعني ، أو اكـتب على لحـن قصيدة ذاك الشاعر طعني . لأني مثل ما قلت لك من قبل أنا أعرف منك .. وقـدامنا خـطوات . وانا متأكـد أنك سـتتمكن من كتابة القصـيدة المعتبرة بكل ثـقـة. بس طـعـني ونفـذ اللي اقول لك ولا تمل ولا تتضايق . - يالله هالحـين نشوف الأبيات اللي كـتبتها أنت : نرمي هموم الوزيره--نجمع عموم القبيله ودي بجبر الكسيره--تمتاز حسب الخصيله جميل وموزون رقم واحـد وعلومها علم البصيره--وعيونها عينً تعينه وجفونها تبكي حسيره--ودموعها دمعً مهينه جميل وموزون رقم اثنين مني على هجين سلامٍ--ربي على بحره هداني قلي عن هجين غرامٍ--حبي على طرقه وداني هذا اللحـن اسمه ( الهجيني ) لكن الوزن ما ضـبط عـندك . راجع اللحـن مرة ثانية وشـف اللي كـتبته أنت من قبل أول مرة يوم تكـتب الألحان الثلاثة كلهم موزونين . يالله عـدله وأنا بانتـظـــارك - |
سلام عليكم
وشلونك بو اديب بعلمك شسويت رحت حق الابيات وغنيتها وسجلتها وبعدين بنيت عليها بس مدري يمكن بنياني بدون سمنت لكن ان شاء الله اوكي والله يعيطيك العافيه مني على هجين تاخذ بي--ربي عن الناس هداني وجدي على ديار ناحت بي--حبي عن الباس وداني |
سلسال الذهب مني على هجين تاخذ بي--ربي عن الناس هداني وجدي على ديار ناحت بي--حبي عن الباس وداني - الوزن ممتاز - هالحـين هات على رقم 2 يالله بناتــظـــارك - |
سلام عليكم
شلونك بواديب جمعه مباركه عليك ان شاء الله تبي رقم 2 ابشر الحين من عيوني ومستعجل وبظبطه بعد وخذا لحن رقم 2 والحانها لحنً نشيله--والحانها صوتً نشيده وقيفانها قافً دليله--اوزانها صعبً نصيده والله يعطيك العافيه |
سلسال الذهب يا هلا بك والحانها لحنً نشيله--والحانها صوتً نشيده وقيفانها قافً دليله--اوزانها صعبً نصيده جميل جميل جـدا ً أحسنت وصح لسانك . - يالله هالحـين هات على رقم واحـد . انا أنتظــرك = |
سلام عليكم
وشلونك بواديب عساك طيب تفانضل هذا رقم واحد وان شا الله زين نرسم عهودً جديده--نكتم وعودً قديمه نخفي امورً عديده--نفتح جروحً صميمه والله يعطيك العافيه |
| الساعة الآن 11:53 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون