عبر عن حبك لمدينة العيون ببيت شعر
السلام عليكم ورحمة الله وبركاته
كيفكم يااعضاء ملتقى العيون.... هذا موضوع جديد حبيت اطرحه عليكم وطبعاهواول موضوع اكتبه من افكاري الموضوع عباره عن بيت شعر يعبر عن حبك لمدينتنا الغاليه (العيون) سواء كان من كتاباتك الشخصيه او غيرها لكنه يعبر عن احساسك وحبك لمدينة العيون. وان شاء الله تكونوا فهمتوا الفكره واللي مافهم مستعد اشرح له؟ اخوكم ... متعطل في تحويله |
رعى الله الثليم وساكنيه= واجزاعا تكنفها الثلام وجاد من الجديد إلى المصلى =إلى الحصنين فكاف الركام بها مسرح لذتي ومراح لهوي =هنا لكم وجيرتي الكرام على بن المقرب العيوني |
ديرتي حبها يجري بدمي وحب قلبي للعيون !!!
فديت ديرتي وهذا عهد لكن وسط قلبي تدلل العيون!!! انا في ديرتي جسدي هامد و روحي اهديتها للعيون!!! انا بحبها معذووور ولا تسالني ليش كالهجنون!!! |
السلام عليكم ورحمة الله وبركاته
الصراحه موضوع ذو قيمه عاليه ويستاهل الرد من جميع الاعضاء لان هذا الموضوع يخص مدينتنا الغاليه علينا يعطيك العافيه متعطل في تحويله على هذا المجهود الطيب في هذا الموضوع الاكثر من رائع وانا الصراحه بفكر في ابيات جميله ولي عوده في هذا الموضوع بابيات من اجل مدينتنا الغاليه علينا Leo |
من شافني شاف برق يضوي بعيوني .. من زارني شاف ارقام وبحوث وعلوم
كلها لاجل العيون بحبها لاتلوموني .. كلي فداها من اول الوقت وامس واليوم الكاتب : موت المشاعر :) |
عيني عليها ياناس ياللي تسألون
----- أعشقها ولا أرضى بغيرها مهما يكون يضمني حضنها الدافي الحنون ----- لو يبعدوني عنها مايقدرون وافيه بالزين كله هالحنون ----- والكرم في طبعها دايم يكون نادره بالوصف ياناس ياللي تعرفون --- تدرون من هي تكون مدينةأهل العيون اخوكم .. متعطل في تحويله |
الرايق اشكرك على المرور الرائع جدا
اخوك متعطل في تحويله |
مشكور
موضوع جميل ورايق جدآ وان شاءالله لي رجعه |
اميرة الروح صح اللسانك
و وماقصرتي والله يعطيك الف عافيه على المرورالرائع اخوك ...متعطل في تحويله |
Leo اشكرك على مروووورك
في انتظار المشاركه في هذا الموووضوع الغالي على قلبي اخووووووووووووووك.... متعطل في تحويله |
من تأليفي هذ1 البيت المتواضع
اشتاق واحن وارجع اشتاق ......... ياديرتي احبكـ من كل الاعماق اسمكـ العيون في قلبي خفاق ....... وشعبكـ له كل الاحترام ينساق |
السلام عليكم ورحمة الله وبركاته
هذه كلمات الاغنيه المشهوره عن مدينتنا سوف اعبر عنها عن حبي لمدينتي الغاليه علينا جميعنا انا ديرتي ياناس مدينة اهل لعيون+ روحي وحياتي فيها مقدر أخليها أكبارها وصغار الكل منهم يمون+ ياجعل عمره يطول منهو سكن فيه ا الديره الداخليه تراها ساس العيون+ أهل الكرم والجود قولو يارب يحميها والله لو ساوموني ابيع لو بمال قارون+ اترابها مسك اجدادي والله ماسويها انا ديرتي ياناس مدينة أهل العيون+ روحي وحياتي فيها مقدر أخليها Leo |
قلت : ابوصف وش هو حبي للعيـون ؟؟.. وماقدرت اكتب مثل مايكتبون والقلم سلهم لحاله وبيت ورا بيتٍ يجون .. ان بغيت الطيب فيهم مثل همال المزون سلمهم سلم العروبه ماتخالطه الظنون .. عزهم للجار والضيف على مر السنون في مواقفهم مواقف وشيلهم فوق المتون . وبالفزعات ذاع صيت فزعة اهل العيون قلب واحد ان حكى واحد البقيه يسمعون مارضوا بالدنيه و بالخطيه ولابسودالظنون رجالِ لاانتخيت بهم وفو الك مابه اللي يخون اشهـد اني لوكتبت ماوفيت اهل العيون والله انهم باقصى الخفوق والمعاليق يسكنون ادري ادري الغلا ماتشـوفه بس عيون ياعيوني ياالعيون كل اهلك وناسك بك يعتزون اعذروني ماوفيت وياليت لي تسامحون بقلم : مُهرة الخـيّـال .. |
راجع ياعرب لبلاد العيون من غربتي
راجع بلهفة العاشق المولع الولهان كم اشتقت انا كثير يمك ياديرتي اشتقت لجوك المغيم ولجنة البستان والله ماتغرب لحظه لولا قسوة دنيتي وظرفي القاهر ابعدني عن اجمل مكان ياعرب شوقتني الغربه باالحيل لصحبتي شوقتني لاهلي وربعي والخل والخلان راجع ياعرب ودموعي تسابق خطوتي وكلي أمال بكسر عناد الزمان راجع وشوقي زاد حده مع لهفتي لك ياراض العيون ياعطر الريحان ذكراك في بالي دوم بصبحي وعشيتي مانساك دقايق ولا حتى عدة ثوان بصبر وبا اتصبر وبلقياك بتذرف دمعتي وبلقانا شوفي كيف لشوفتك ضميان هذه القصيده تناثرت حروفها وانا خارج البلاد ارجو ان تنال اعجابكم ملاحظه(( هذه المره الاولى اكتب قصيده في ملتقى الشعر)) اخوكم مهاااااااااجر(1) |
عيوني وافتخر لا قلت من سكانها .. سلوم وعلوم ورجالً قرومي
دمي وروحي وقت الشدايد لها .. يخذل عدونا لا جا عزومي نرجعه خايب وانشد احبا لها .. والبطل بعد البطاله يرجع رخومي العيون داري صعب افراقها .. ولله المنه والعزه وله نصومي حقوق الطبع محفوظه ( .. النازف .. ) |
الساعة الآن 01:57 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون