|
الرسايل
الرسـايــل كثـيــرة شــتّـتــت بـالي = واردي قـد مـلــوه اللي يـقـصدونه
لانـي اقـرا ولاني يـالربـع ســـالي = غيــر بـوح القصيد اللي تـعرفونه ودي ابعـد واخلّي النت . .ماجالي = عالم(ن) فيه بعض الناس مجنونـه عالم(ن) واسع(ن) من كل الاجيالي= كـل مـنـهم يـبــحـّر فيــه بـعيـونـه به هـل الشـر تلعـب كـل مـحتـالي = وبـه هـل الخير كـل الخير يبدونه صـايـر اليــوم للعـربـان مـدهـالي = يـنـشـرون الجـديـد اللي يريـدونـه حـن هل الشـعـر فينا طيّب الفالي = نـبهج النـفـس لو بـالحيل مـغـبـونـه نـبـغي اللي يبـيـنا دون الانـذالي = طيّـب الـذكــر كل النــاس يـبـغـونـه تــالي الليل اجر الصوت موّالي = واتـخـيّـر جـميــل الشـعـر وفنــونــه ما أتـابـع كـره عن حبــها سالي = لالبـرشــا ولا لـريـــال وشــجــونــه طيّـب الفعـل له بالقلب منـزالي = لـه جمـيـع الغــلا والروح مرهــونـه هـو نديمي على الوجار ودلالي = لـه محبـه بوسـط الصـدر مكـنــونــه ريـحة البـن للأشـعـار مرسـالي = كيـف راسي ونـفسي فيـه مـفـتــونـه يـاتي الشـعـر كنّه سيـل شـلالي = مثل موج البحر في قـاف مـوزونـه ماعـليــنـا بقـول الـقـيـل والقـالي= واللي قــلـوبـهم بالحقــد مــشـحـونــه طالبيـن الولي عــلاّم الاحــوالي = خـالق الكـون ونجــوم(ن) ينـيـرونه نـطلبــك تـعدل الميـزان لـ مالي = مـكـثـريـن الخـطايـا نـطلب العــونـه |
الشاعر الفضلي
قصيدة متقتنة ذات أبعاد أجتماعية وفي نهايتها عرّج الشاعر على الهم الشخصي نلاحظ ان الشاعر الفضلي 00قصائدة ذات طابع إجتماعي 00 وهذا يحسب لصالحه كالرادار يلتقط التجاوزات ويصيغها في أبيات سهلة ممتنعة00 تنساب في يسر وهدؤ ويتخللها طرفة00 تجعل المتلقي يبتسم في نهاية القصيدة موفق0 |
الشاعر الفضلي00
قصيدة جميلة00 وحضور جميل |
أسماء صح بدنك ملايين وهلابك
لكي مني أجمل تحية |
وادي حنيفه
هلابك يالغالي وصح بدنك بس شوي شوي علينا لاتغرقنا لك مني أجمل تحية |
هههههههههههههههههههههههههههههههههههههههههههههههه0
شاعر وظريف00 لا تخاف ما راح أغرقك00!!!ههههه0 لأنك شاعر 00 بغرق المتشاعرين بس0ههههه0 |
|
ماعـليــنـا بقـول الـقـيـل والقـالي= واللي قــلـوبـهم بالحقــد مــشـحـونــه
ذائقة رائعة |
*
مآشآء الله روعة صَحّ لسآنك ولآهنت يآلفَضلي قصيدَة جزلة مِنْ شآعرٍ جَزل لكن لي مُلآحَظَة على مقطَع الفيديو وبالتّحديد الشّلَّة أو آلشّيلَة لو تخفّض مِن صوت آلصَّدى أو تتجنّب استخدآمه يكون أفضَل لأنه يؤثّر على وضوح آلصّوت الله يَعطيك آلعآفية لآتحرمنآ جدِيدك [ :118:] ~ |
mura7ia
صح بدنك وحياك الله |
قالوا علامك
حياك الله ملايين أسعدني كثيراً مرورك الزاهي بلون الورد والعطر صح بدنك وملاحظتك في محلها وهذا اجتهاد غشيم بس يالله تحملونا لكي مني أطيب تحية |
اقتباس:
ربما خجلت من طرحها وربما لم تؤثر كثيرا على جزالتها لكي اذكرها |
شكرا على الملاحظة وهذا جهد متواضع لأني لست متمرس في الصوت
لك مني أجمل تحية |
| الساعة الآن 12:04 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون