|
الله يرحم حنين ويرحم بنات العيون
بنت ماكان فيها شي شين
طبيعية وبصحه زينه نامت وماعاد قامت من نومتها الله اخذ وداعته وهي نايمه الله يرحمها ويصبر اهلها الموت هو كذا يجي فجأه من غير تنبيه مايعرف الصاحي من المريض الكبير من الصغير المره والرجال العاصي لله من الذاكر لله عسانا نعتبر كلنا وش بيكون حالنا واحنا نعصي الله ولانعتبر باللي يصير لغيرنا بنات من ورى اهاليهم يعملون العيبه ولا يخافون الله اللي تكلم شباب بحجه الصداقه واللي تدخل الشاتات الخربانه بحجه قضاء وقت واللي تغتر بشبابها وجمالها ودلعها وصحتها واللي واللي واللي أستغفر الله العظيم الله لايبلانا تستهين بامور ثانية تصوري تنامين وانتي مخططه على اتصال واحد او تبين عمل مايغضب الله وماقعدتي من نومك وجاك ملك الموت وانتي نايمه وتوك مسكره الشات اللي فيه كل امر محرم وش حالتك عند الله مو بس البنات حتى الشباب اللي همه الوحيد كيف يطيح البنات ماحد فكر كيف يكون حاله لو مات كلنا نخطي ماحد منا معصوم لكن الواحد مايستمر ولا يتفاخر اعوذ بالله صار التعرف على الشباب مفخره عند البنات ماكن حالهم بيصير تحت التراب والعمل هو اللي ينجي او يهلك الواحد منا خلونا نراقب الله في كل امورنا ( ومن يتق الله يجعل له مخرجاً، ويرزقه من حيث لا يحتسب ) واللي يبعد عن الله ويتبع الشيطان ويتبع نفسه الاماره بالسوء مرده بيندم يوم ماينفع الندم ( ومن أعرض عن ذكري فإن له معيشة ضنكا ونحشره يوم القيامة أعمى ) الواحد ينحرق قلبه اذا قعد في مجلس وكل واحد من الشباب مطلع جواله وحاطه على الاسبيكر ويكلم بنت فلان او علان من بنات العيون والا اللي مسجل مكالمه لها وهي تحسبه صديق حنون او اللي عنده صور واشياء تخلي الراس يشيب البنات غافلين عن اللي يعمله الشباب في كل اللي يصير معاهم اغلب مجالس الشباب في العيون يدور الكلام عن فلانه بنت فلان والفضايح كثيره ومنتشره عند الشباب عرفنا اسماء وعرفنا حاجات صارت الله لايبلانا والبنت اللي تكلم واحد لاتقول انا بيستر علي الله لان الحيوان اللي معاها ماهو مكتم ولاهو يبيها بالحلال فليه البنت تخلي امرها بيد من لايرحم ولا يعرف الله واللي يكلم بنت يكلم عشرين وكل وحده تحسب انها الوحيده كثرت كلام بس والله من حرقه عندي كل واحد من هالحيوانات في مجلس كل يعرض الله عنده ويسمع مكالمات ويوري صور ومقاطع الله يرحم حنين ويغفر لها ويصبر اهلها ويهدي بناتنا ويبعدون عن الوحوش اللي ماترحم |
الله يرحمها يارب ويغفر لها ..
واضحة حرقتك وغيرتك أخي الفاضل : نوخذة العقير .. ربي يرفع قدرك في الدارين ويوفقك .. والله يستر علينا ويرحمنا برحمته .. صادق والله في كل كلمة كتبتها.. بس تدري متى الواحد يعرف الخطأ ؟؟ يوم الحساب كل شيء ينكشف .. ويوم الحساب مو هين .. أقتبس لك بعض الكلام من موضوع أدرجته : طالب المعصية وطالبة المعصية وهما اللذيْنِ يطلبان المعصية في كل صغيرة وكبيرة وهما يعرفان تلك الأسئلة التي ستُلقى عليهما عند قيام الناس لرب العالمين في يوم القيامة وأنهما سيُسألان عن: العمر فيما أفني الشباب فيما أبلي المال من أين اكتسب وفيما أنفق العمل ماذا تم العمل فيه فقد قال صلى الله عليه وسلم "لا تزول قدما عبد يوم القيامة حتى يسأل عن أربع خصال : عن عمره فيما أفناه، وعن شبابه فيما أبلاه، وعن ماله من أين اكتسبه وفيما أنفقه, وعن عمله ماذا عمل فيه" رواه الترمذي عن أبي هريره رضي الله عنه أسئلة في منتهى السهولة، لكن لن يجيب عليها بأريحية تامة إلا من حفظ الله في الدنيا باتباع أوامره وأجتناب نواهيه، أما من صد وأستمر في عصيانه لربه فسوف يقف عاجزاً عن إجابة ترضي ربه عز وجل وقد عرّض نفسه لنار تلظى ويخسر كل شي، والعياذ بالله ويمكث بعدها يلعن كل من كان سبباً في اقترافه للمعاصي من أصدقاء وغيرهم فنداء لكل مسرف على نفسه بالمعاصي ومضيّعاً عمره في غير ما يرضي الله ومُبلي شبابه في اقتراف كل محرّم، ومأخذ المال من طرق محرَّمة، ويعمل بعمل مغضب لله، بأن يُبادر بالاستعداد للإجابة على تلك الأسئلة قبل يوم الرحيل فقد يكون حان الأن الأن فهل حقاً أنت مستعد للإجابة براحة تامة؟؟؟؟!! راجع نفسك بصدق قبل ألا ينفع ولا يُجدي عض أصابع الندم وقبل فواااات الأوان |
|
الله يرحم حنين ويغفر لها ويصبر اهلها ويهدي بناتنا ويبعدون عن الوحوش اللي ماترحم اللهم امين جزاك الله خير على الطرح المهم والله يرحمنا برحمته |
اخي نوخذة العقير
غيرتك واضحة الله يرفع قدرك الله يرحم حنين ويغفر لها ويصبر اهلها والله يهدي جميع الشباب والبنات الاخت شوق سلمت يداك على الموضوع وهذا اقتباس من موضوعك فنداء لكل مسرف على نفسه بالمعاصي ومضيّعاً عمره في غير ما يرضي الله ومُبلي شبابه في اقتراف كل محرّم، ومأخذ المال من طرق محرَّمة، ويعمل بعمل مغضب لله، بأن يُبادر بالاستعداد للإجابة على تلك الأسئلة قبل يوم الرحيل فقد يكون حان الأن الأن فهل حقاً أنت مستعد للإجابة براحة تامة؟؟؟؟!! راجع نفسك بصدق قبل ألا ينفع ولا يُجدي عض أصابع الندم وقبل فواااات الأوان فإلى جميع الشباب والبنات هذه الكلمات راجعوا انفسكم بصدق قبل ألا ينفع ولا يُجدي عض أصابع الندم وقبل فواااات الأوان راجعوا انفسكم بصدق قبل ألا ينفع ولا يُجدي عض أصابع الندم وقبل فواااات الأوان راجعوا انفسكم بصدق قبل ألا ينفع ولا يُجدي عض أصابع الندم وقبل فواااات الأوان راجعوا انفسكم بصدق قبل ألا ينفع ولا يُجدي عض أصابع الندم وقبل فواااات الأوان الله يرحمك ياحنين ويصبر اهلك الله يرحمك ياحنين ويصبر اهلك |
ياسلام عليك والله كلامك قمة المنطق هذا الصح واللي حاصل اشكرك من كل قلبي ا نوخذة العقير على إبداعك في الموضوع والله يرحم حنين ويسكنها فسيح جناته فعلاً يا بنات هاليوم المغفلات والله كلام الرجال صحيح وربي الله يستر يوم نسمع فلانه صادوها مع فلان والطامه اعضم ويوم نسمع فلانه مصورهها فلان من برى العيون والطامه حدث ولاحرج ووووو اللي نسمعه ونشوفه واجد وصاروا البنات مثل البهايم اعزكم الله اغراها الذيب بكم كلمه حلوه وصدقت له وما تدري وش ناوي لها والشباب اللي ما هو خايف من الله كما تدين تدان يا حبيبي ما صابك اليوم يصيبك بكره دقة بدقه ولو زدت لازاد السقاء ومن يزني ليزنى به ولو بجداره وتقبلوا تحياتي |
الموت حق لامفر منه والموت كآس الكل شآربه والقبر دآر الكل دآخله الله يرحمها ويجعلها شآفعه لوآلديهآ الله يستر علينا وعلى بنآت المسلمين دنيآ وآخره . وحسبي الله على اللي مايخافون الله وكل شخص جاب اعراض الناس ربي بيفضح عرضه .. نوخذة العقير الله يجزاك خير لغيرتك ع اهلك وناسك واخواتك المسلمات الله يكثر من أمثالك .. |
الله يرحمها يارب ويغفر لها
|
الله يرحمها ويصبر ذويها
جعله الله في موازين اعمالك كلماتك دُرر .. |
الله يجزيك خير اخ نوخذة العقير
وربي كلامك روووووووووعه وهذا الحاصل بهالدنيا والله يرحم حنين ويصبر أمها ... |
| الساعة الآن 02:50 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون