ملتقى مدينة العيون - تجربتي الشخصية في قول حسبي الله ونعم الوكيل وأثرها.

السلام عليكم ورحمة الله وبركاته

كيف حالكم عزيزاتي :001:

ودي آنكم تتفاعلون معي بهذا آلموضوع والكل يكتب تجربته الشخصيــه مع قول (حسبي الله ونعم الوكيل)

كان بخاطري من زمان أكتبه لكم بس مالقيت وقت ألا الحين ،،

أقدر أقولكم أنها تجربة شخصية من أثر وجدته في نفسي بعد ماأستوعبت آية محكمة يقول فيها الله عز وجل (الذين قال لهم الناس أن الناس قد جمعوا لكم فااخشوهم فزادهم إيمانا وقالوا حسبنا الله ونعم الوكيل،فاانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم)

في يوم من الأيام حصلت لي مشكلة ضايقتني حيييل وكان مالي خلق لشئ أكتئبت منها وأرسلت لرفيجتي رسالة بأني مضطرة أنقطع عنها فترة ماراح أقدر أتواصل معاها لأسباب ما ،،

وردت علي الغالية الله يجعل لها في الدنيا خير لاينقطع وفي الآخرة مثواها جنات النعيم، قالت لي : أفا يافلانة
أنت ماتعرفين الآية الي يقول فيها ربي : ( الذين قال لهم الناس أن الناس قد جمعوا لكم فااخشوهم.......)،،
أنا هني أستوعبت أني أخاف من تصرفات بشر ماينفعون ولا يضرون الا بأمر الله ،، حسبي الله ونعم الوكيل تكفيني ماأهمني بأذن الله،يعني ليش الخوف ليييش الحزن ليش أتضايق ، أنا ليش مكتئبه ،عشان منو؟، عشان ناس ماتملك لنفسها نفع ولا ضر من دون الله ، بس خلاص هذا كنز هذا سلاح هذي حصانة ضد كل ضرر،حسبي الله ونعم الوكيل ، يعني أنت ياربي أتوكل عليك وأعتمد عليك وأوكل أمري لك لأنك العليم بحالي اللطيف فيني القادر على دفع الأذى عني، فما دام الله قادر على ذلك كله فليش الخوف؟ ليش الحزن؟ خلاص بفضل الله تخلصت من بعض الأفكار السلبية من بعد تأملي بالآية،
أستشعرها في كل موقف يمر فيني في كل حادث في كل ألم أشعر فيه ، والله العظيم أرتحت نفسيا أرتحت من قلق مدري يضطرب بقلبي مدري يضطرب براسي أفكار متعبة لأسباب متعددة بس خلاص أنا وكلت أمري لربي وربي تكفل بأمري، فليش القلق؟!
وأنتي ياأختي استشعري مثلي هالآية وألزمي قول حسبي الله ونعم الوكيل، وأستمري بترديدها وأيقني يقينا تاما بقلبك أن الله متكفل بالأمر كله يصرفه الى مايشاء ، وليس لفلان ولا فلان قدرة على مضرتك بشئ، حتى ألسنتهم التي يتطاولون بها الله قادر على أن يخرسهم فيصمتون ،
والله من تجربتي أقولها لكم أحيانا ينقلب كل الي حولي ضدي وأسمع وأرى من الكلام والفعل مايؤلم قلبي لكن رغم تلك المواقف أكرر الآية وأدرك أن الله سيعوضني خير،وسيكفيني كل شر،
والله رغم حزني إلا إني أحس بالراحة عندما أستشعر هذه الآية في الملمات،حسبي الله ونعم الوكيل في كل ماأهمني ، حسبي الله ونعم الوكيل في كل حاسد حسدني على ماعندي، حسبي الله ونعم الوكيل على كل عدو تربص بي شرا، حسبي الله ونعم الوكيل في كل شئ ، وهنا قد أرجعت ووكلت أمري كله الى ربي وهو المتكفل به،، وأنت كذلك ياأختي يامن ظننتي أن آلامك وأحزانك غلبتك، كرريها معي وثقي باالله،، ثم أبتسمي ف أنت قد وكلتي على أمورك من لايظلم أحدا
أبتسمي (الحياة رائعة)

دعواتكم في ظهر الغيب.:118:

((منقول))