شباب العيون يستحون مايخافون
 

السبب الرئيسي هو المكتب التعاوني اللي ما هو راضي يقيم محاظرات تخص الشباب وتوعيتهم
أنا اللي اشوفه من محاظراتهم انها أغلبها فقهية وان صارت بعض البرامج تخص الشباب فهي تخص عدد معين من الشباب ولا تعم شباب العيون

يااخي تعبنا والله

حنا الشباب ضحية تحزب الملتزمين او المطاوعة (حزب السلف وحزب التبليغ)
وما أدري ليش هالتحزب مع أنا كلنا مسلمين

أنا اشوف إنا بس نحتاج لجهة رسمية لإقامة مخيم عن الشباب وامور التفحيط وغيرها ونقدر نجيب لنا من الدعاة المشهورين مثل بو زقم اللي له محبة عند المفحطين أو نجيب غيره
س أهم شي انه يكون هالمخيم عام لشباب البلد

أنا أذكر أن المكتب التعاوني قال راح يقيم المكتب التعاوني لكن الى الان ما شفنا شي ولا راح نشوف

فأنا أقول لو نستعين بالمكتبة العامة أو الجمعية كجهة رسمية لإقامة هالمخيم اللي باعتقادي انه راح يأثر كثير على المفحطين وغيرهم

http://www.hassacom.com/infimages/smiles/icon_razz.gif


كلآآآمك في الصميييييم يآغربة المشآآآعر يعطيك العآفيه

ربمآآ لي عوده للموضوع http://www.aloyun.com/vb/images/icons/icon7.gif

الان وش دخل مشكله التفحيط في الجمعيه ومدري ايش ؟

ويا ماجدونا اسلام واحد فلبيني خير وابرك من توبه عشرين مفحط ... المفحط امره بيده والفلبيني امره بيده

ابو زقم اصبح يبهر بزياده ولولا اني لا اعرفه ولا كان قلت انه يكذب في الكثير من الامور بقصد دعوة الشباب

ثاني شي لما تخاطب ناس خاطبهم بلغتهم .. ابو زقم من الرياض وعقليته تختلف عن عقليه اهل العيون بشكل كبير خاصه ان تفحيط اهل الرياض يختلف عن التحفيط بالعيون
في الرياض تحكم عليه وانت مغمض عيونك انه انتحار مع سبق الاصرار والترصد سرعات تتجاوز ال 220 بينما في العيون التفحيط حرق تواير ونادره السرعه فيه << ولو حدث حادث في الغالب يكون بسبب السرعه الزائده او متجمهر دخل الساحه يسوي فيها بطل <<< ولاحد يقولي التفحيط كله واحد .. لا لا .. فيه فرق كبير واذا كنت تنكر الفرق فا انت تكابر وتخدع نفسك


القصد لماذا لم يفكر احدكم بعمل خيمه شبابيه عند ساحه مواقف البلديه مثلا ! وتجمع فيها المفحطيين اللي من العيون السابقيين اللي تركو التفحيط وتاب عن ها الشي << وهم كثر ومعروفيين
لماذا البحث عن الغريب دائما من شيوخ ودعاه وتصوير ان اللي خارج البلد افضل من اللي داخل البلد ..!
ماعلينا

المهم ..

شغله المخيمات الشبابيه لن تنفع في التفحيط لكنها تنفع للمدمنين على المخدرات والسكاريين < والامور الاجتماعيه بشكل عام

التفحيط نتيجه هرمونات الشباب المتفجره ومن المعروف ان ها الفتره من العمر يبحث الشخص فيها عن المغامره المخاطره وفي الغالب يحب يلفت الانتباه <<< حلوة هرمونات هع هع

التفحيط بكل صراحه << لو تفحطون من اليوم لبكره وتنصحون في الشباب والشياب الخ ماراح يوقف ابدا ..

الحل الوحيد انشاء ساحات تفحيط خاصه يتم مراعاه شروط السلامه فيها للمفحط وللجمهور

اما النصح والدعوه صدقني اغسل ايدك


يالله صباح خير

اللهم اني صائم << احتياط يمكن قلت شي يفطر :)