ملتقى مدينة العيون

بعض العرب تـفـرح ليــا حـلّ طـاريـه = تـــفرح ولا ودك جـــهـــر يذكـــرونــــه

من يذكره وسط المجالس تــعاديــه = لو يـــستـــحق المـــدح لايـــمــدحــونــــه

بينك وبين النــفس دايـــم تــنــاديـــه = تــهيــــم في زولـــه وضحكـــة سنــــونــه

من بد خلق الله غـــدا القلب هاويـــه = جـــمـــالـــه السـلــهام غـــازي عيــــونــه

جـــمـــال كل الكـــون بالزيــن حاويه = ويحوي جمال الكون يحوي جنونه

قالوا القمر نوره من الزين سابـــيــــه = والشمس غابت تستحي من فتونه

قلت الله اللي كامل الزين عاطيــه = نـــــور الصبــــــاح وليـــــل زايــد سكونه

شعر/ عبداللطيف سعد أحمد العلي الفضلي
حررت في يوم الأربعاء الموافق 15/7/1435هـ