ملتقى مدينة العيون - وجيتك مثل عود له أيام مهموم..وده يلاقـــي بأخر الوقت تقديــر..

أفتح شبابيك الهوى جيتك اليوم..
بإحساس من زود الوله عده يطير..

جيتك مثل طفل له أيام محروم..
عن حضن أمه أبعدتــه المقاديـر..

وجيتك مثل عود له أيام مهموم..
وده يلاقـــي بأخر الوقت تقديــر..

وجيتك حضن عاشق وهايم ومغروم..
وده يضمك لين تصبح على خير..

متى تحس إن الهوى شي مقســـوم..
من قسمة الخالق على خلقه يصير..

ومتى تحس إني لك أطيح وأقــوم..
وأتعب على شانك وأقدرك وأغير..

لي في هواك أحلام وأمال وعلوم..
وأحزاب وأصحاب وقصيد وجماهير..

وهموم وأفكار وهواجيس وحلوم..
ودروب وأخطار وعذاب ومشاوير..

وحب وغلا وإخلاص ومعاند ولوم..
وإحسـاس وإلهـام وشعـور وتفاكيـر..

وصحبة سهـر ومقاطعة لذة النوم..
وأشـواق جياشه وعشـق وتعابيـر..

فـي ذمتـك مابـان لك شي مكتــوم..
من بعد ماصورت الأوضاع تصوير..

لاتحسب إنك شي عابر ومعدوم..
وتاريخ حبــــك فاق كل الأساطير..

كني لقيتك ........وكني قريتـــك..

في كل شـي أتخيلك وأسمعك دوم..
وأتأملك في الوقت الأول والآخير..

سلامتكمــ.,.

م ن