ملتقى مدينة العيون - موضوع لم استطع إكماله (اليتيم)

موضوع لم أستطع إكماله اليتيم

يوم الجمعة الماضي وبعد صلاة المغرب مررت بالديره من الجهة الشرقية وعند مروري مقابل منزل سالم المرفاع رحمة الله تعالى وموتى جميع المسلمين.أمين...
شاهدت أطفاله يخرجون من المنزل وواحدة منهم تضع طفل بين رقبتها، والطفلة الثانية خلفها...وتذكرت ذات الموقف..على حياة سالم يرحمه الله...و كانو يخرجون وهو يقوم بصيانة سيارته الفان ..وهو يصيح فيهم ..وين؟ انتبهوا من السيارات.

أن كان فقد أحد الوالدين مصيبة ، ففقد الأب والأم في ذات الوقت لمن هم صغار أكبر مصيبة...اختفت كلمة (يمة) (يبة) من البيت...يمــــــــــــــــــــــــــــــــــــــــ ـــــــه جوعانة..جوعان، يبــــــــــــــــــــــــه ابغي ريال..يبه أشتر لي مريول...يمه أخوي طقني.................يمه وين هدومي؟؟؟

مهما كان هناك أخ أو عم أو خال فلن يصل لدرجة الأب أو الأم...

كان هدفي الكتابة عن اليتم لكني أحسست بصداع كبير عند تخيل تلك الصور ولم اقدر ان أواصل..

تدري وش اللي يجرح القلب جرحين = ويمد حبل الحزن فيك ويشدّه
أنك تناظر طفل من غير أبوين = يمشي ودمعـه سايـل فـوق خـدّه
منظر صعيب ويقسم القلب قسمين = لا قام يمسح دمعـه بكـف يـدّه
يمشي ولايدري طريقه على وين!؟ = لين التعب من كثر ما تاه هـدّه
اثقل حروف يشيلها فيه حرفيـن = لا أب يـدري بـه و لا ام تـردّه
في خطوته رحله ودمعه وسكين = وخطٍ توسـد بالمراسـي مخـدّ ه
جيت أسئله بالله قللي ولد مين ؟ = وبغى يجاوب واختنق صوت ردّه !
أنا يتيم وما لدربي عناوين = وجزر الحـزن فينـي يسـاوي لمـدّه
وطعم الطفوله ما عرفته لها الحين = وثوب السعاده صرت ما نيب قدّه
أبكي الى ما شفت غيري سعيدين = لين البكاء فينـي يوصّـل لحـدّه
وأقفى ورحت امسح دموعي من العين = عيني تناظر دمعته فوق خدّه
وهذا هو اللي يجرح القلب جرحين = ويمد حبل الحزن غصب يشـدّه