|
14 يوماً في عيد الفطر ومثلها في عيد الأضحى و7 أيام في اليوم الوطنيوزارة العمل تعفي مستفيدي حافز من تحديث البيانات خلال الأعياد
عبدالله البرقاوي- سبق- الرياض: أوضح المتحدث الرسمي لوزارة العمل المستشار حطاب بن صالح العنزي أنه لن يتم احتساب أيام إجازة عيدي الفطر والأضحى، إضافة إلى اليوم الوطني ضمن الأيام التي يجب على المستفيدين من برنامج إعانة البحث عن العمل "حافز" متابعة وزيارة الملف الإلكتروني في قاعدة بيانات طالبي العمل، حيث كان من الضروري على طالبي العمل المستفيدين من برنامج حافز زيارة الملف الإلكتروني بواقع مرة على الأقل أسبوعياً خلال مدة صرف الإعانة، وعدم الانقطاع عن تلك المتابعة إلا بعذر يقبله صندوق تنمية الموارد البشرية.
وأضاف المتحدث الرسمي أن المستفيدين من برنامج حافز ليس عليهم متابعة ملفاتهم الإلكترونية في أيام الإجازات الرسمية للبلاد وهي كالتالي: 1- أربعة عشر يوماً بمناسبة عيد الفطر المبارك. 2- أربعة عشر يوماً بمناسبة عيد الأضحى المبارك. 3- سبعة أيام بمناسبة اليوم الوطني للمملكة العربية السعودية. وأكد المتحدث الرسمي أن مدير عام صندوق تنمية الموارد البشرية سيحدد تاريخ بداية الأيام ونهايتها التي لا إلزام فيها للمستفيدين بمتابعة ملفاتهم الإلكترونية. الجدير بالذكر أن الهدف من هذه الزيارات للموقع هو إبقاء المستفيدين على اطلاع مستمر بالفرص الوظيفية والتدريبية المتاحة |
حسبي الله ونعم الوكيل
ماتسوى عليهم هالحافز كل مرة ناطين يدخلون ملفاتهم ناس ماتعرف الكمبيوتر وناس ماعندها اصلا الله يهديهم ويحطون قوانين لصالح الناس مو لعذباتهم نصيحة لكل اللي يستفيدون من حافز لاتصدقون كلام هالشخص أدخلوا كل إسبوع ولا تحطون كلامة أنه حقيقي أدخلوا زي كل إسبوع وفكوا حالكم من تخبطات الإدارات الحكومية وعشان ماتنسون السالفة لأنكم ماتسوونها إسبوعين لأنكم في إجازة بتتلخبطون في تعداد الأيام خلكم على عادتكم أفضل وأدخلوا لملفاتكم كل إسبوع سواء في إجازات رسمية وإلا غيرها لو كلامهم صحيح كان يقفلون الموقع خلال الإجازة ويفتحونه بعد إنتهاء الإجازة عشان العتب يكون عليهم لو فيه تأخير شخصيا أنا واحد لايثق بأي كلام من أي مسؤول أبداااااااااااااااااااا |
اي والله ذا الحافز مايسوى علينا
كل شوي ناطين علينا بقرار > ينعن ابو شسمه :015: واللي ماعاد دخلوا مره وحده سحبوا منهم 200 ريال مب شهر لااا شهريااا حسبي الله عليهمم والمصيبة انه يحطونها انها تاخذ اعانه من مكان ثاني عشان كذا سحبوا منها مادري وش قال الملك عبدالله قال عطوا كل عاطل 2000 شهريا والا قاال والله كبوا عليهم قوانينكم اللي مادري وش تبي . انا مع راي ابو طلال لو انه الواحد بإيشش مايكون خل يدخل احسن مايعطونا قانون جديد بعد |
اضم صوتي لصوت ابوطلال وروز
حافز مذله مواعـآنه انا احدث يوم ورى يوم علشـآن اخذهـآ غصب ع خشومهم وغيري مسـآكين مع تحديثـآتهم اسحبوـآ منهم 400 مو200 حسبي الله عليهم |
بجد قهر أنه يتغير كل شوي قوانين لأي شي عندنا
وأنا بصراحة تامة عازم على الدخول لموقع حافز كل خمسة أيام لكل اللي أدخل لملفاتهم من أهلي ولا راح أسمع لكلام أي شخص يجيب لنا قانون وراي من عنده إلا إذا قفلوا الموقع في هالفترة هذا منهم ويكون فعلا هم سنوا قانون وطبقوه بتقفيل الموقع مو يسنون قانون عشان يتحجون على الناس بعين ويخصمون عليهم ويلهفون من كل واحد كم مية هالحرامية |
حسبي الله ونعم الوكيل
:135: |
| الساعة الآن 05:49 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون