ملتقى مدينة العيون - صارت معي و انتبه تصير معك !!

مدخل ؛
لا تصير غَلطة بالوَقت اللي أنا
أشوفك فيه الصحّ الوحيد بهذي الدّنيا !

السلام عليكم ورحمة الله وبركاته

السالفه طويله بس حتى مايصير
معكم اللي صار معي
قلت اعلمكم ..:087:

السالفة هي :

تجيني رسايل على جوالي الموبايلي
فواتير كل مره و لازم اسددها والا سوف تحال
للمديونات ومن هذا الكلام
علمت اخواني قالوا اتركيها تجي بالخطأ ولا تسددي
الا شي فعلا تملكيه وخبرينا على أي حال
واحد من اخواني قال انا عندي فواتير في حسابي
ماهي لي و ماسددتها
سألت عن ارقامي اللي خذوها اخواني بعدي
لانها كانت سهلة ومميزة ارقامها
قالوا : كنسلناها من زماان
و الغريب الرسايل بعضها تجي برقم الهوية اخرها
مو هويتي
و بعضها بلى والله هويتي
وبالأساس ماعندي رقم مفوتر
من اكثر من 17 سنة
ارقامي كلها شحن رصيد
وكان عندي تسديد فاتورة
انترنت زين بلا حدود
وماانتبهت وانا اسدد الفاتوره
اثاريني بالخطأ ضغطت على كل الفواتير
وانخصم مني 2000 تقريبا للموبايلي
وانصدمت فاتورة وانا ماعندي مفوتر أصلاً
كنت وقتها مسافره و مافيني اطلع واشوف
الفرع
ولكن لما حكيت قصتي قالوا صارت تجي
فواتير ماهي لهم كهرباء وغيرها
و فيه من أخطأ و سدد فاتوره ماهي له
ولما راجعوهم بالفواتير ورقم فاتورة الكهرباء
الصحيحة قالوا : خلاص دخل السداد النظام ووو
طبعاً مامن تعويض

و مدري اذا راجعت فرع موبايلي
ممكن اعرف صاحب الرقم اللي انا سددت
فاتورته بالخطأ
او هل ممكن يكون رقم قديم كنسلته وماتكنسل
وباقيه الفاتوره ادفعها !!

رجعت من السفر وبشوف اراجع موبايلي
وبوريهم رسالة الخصم من موبايلي ورقم
الفاتورة
عساي ألقى لمشكلتي حل
وان مالقيت العوض من الله

اهم شي قلت أخبركم علشان تنتبهوا
وقت تسددوا الفواتير أون لاين
ناظروا الفواتير وارقامها هي لكم او لا:042:

["

مخرج :
كان آلسنين آللي مضت لي مخآسير
عسى آلعوض في مقبلات آلليآلي،!