ابكي وخفي
 

ابكي وخفي

ابكي وخفي دمعتي واشكي الحال
للواحد المعبود رب البرايا

اشكي اهموم مالها حد واشكال
واللي انكتب قدام يسبق اخطايا

امر الولي يمشي مع اليوم لو طال
لابد تشوف العين يوم المنايا

راضي بحكمه والرضا يشرح البال
والصبر طب مغذيات الخلايا

لا الجوع شكيته ولا قله المال
ولا طلبت مخلوق فزعه هدايا

اسأل اله العرش تعديل ما مال
ويكفيني اهموم لجت في حشايا

لاتحسب اللي باللحن شال موال
يجر مسحوبه وحوله مطايا

رفعت صوتي من هواجيس تنهال
على صميم القلب بين الحنايا

ابكي وعبراتي على الخد زلزال
والناس ماتدري مصايب عنايا

يالله عسى من لامني اول الفال
يفقد اعيونه في الكبر والصبايا

الشاعر/سعود بن احمد العواد