السلام عليكم ورحمة الله وبركاته

هذه قصيدة اجتماعية في أصناف الرجال للوالد الراحل

سعود يرحمه الله فعسى اختياري يحوز على رضاكم وهي بعنوان ..


(( أصناف الرجال ))

انا بـادي ومبدايـه بذكـر الواحـد المعبـود=جميع الخلق سبحانه يدبرهـم علـى مـا راد
اباصبر بالذي يجري عليّـه واحمـد المحمـود=عليمٍ واعد العامل بمـا يعمـل إلـى الميعـاد
سرى ليلي وانا ساهر وكـل العالميـن رقـود=سرى ليلي سرى كله وعيني ماهتنـت برقـاد
اهوجس وافتكر في الوقت والدنيا واشوف الرود=مع اهل السمت والمعروف واهل الطيب والعبّاد
ردي السمـت والنمـام والكـذاب والحسـود=ولو كانوا قريشيه فلا يسمـون مـن الاجـواد
ترى ما الجود ورث جدود غير الجود بالموجود=بعض لاجواد مايسوى على التثمين قدح زنـاد
وترى من حاش جد وجود حوّش غاية المقصود=ورث جوده من جدوده وهو شبره عليهـم زاد
وترى بعض العرب ينقد وهو في كوكب المنقود=ذليل ابخيل لادنيـا ولا ديـن وفضيـخ افـواد
وترى بعض العرب مايعرف السودا من البارود=ولا يعرف ولو تنشده شالصـادر مـن الـوراد
وترى بعض العرب ينشي ولا ناشد ولا منشود=ولا عازم ولا يعزم ولا يفزع في يـوم اطـراد
وترى بعض العرب لشفت زوله تقل نسل افهود=تغرك شيفته لكـن الـى هديـت بـه ماصـاد
وترى قلوب الأوادم وقتناذا ما تحفـظ اسـدود=مـن العشريـن لخاويـت رجـلٍ طيـبٍ وداد
إلى من رحت من عنده بعلـمٍ ثابـتٍ وعهـود=يخونك وانت ماتدري تحسبه لك على المعتـاد
وانا ماقلت كلّه ثابـتٍ عنـدي عليـه اشهـود=ولا به شي خافي من الأمور اقرابهـم وبعـاد
الا ياللي تبون الطيب فيّا الطيب مرقى اسنـود=ولا يرقاه كود اللي علـى مرقـاه له معتاد
أحب الله من حبـه كـلامٍ مـا يبـي لـه زود=وعلى الطاغين في الأيه الا ان الله بالمرصـاد

وسلامتكم وبقاكم

الرايق

الله يرحم شاعرنا ووالدنا الشيخ سعود الكويتي
أشهد بالله انه فخر لكل عيوني فشعر سعود الكويتي تخطى الجبال والديار
وانه قال الدرر و نثر العبر وهو مدرسة للاجيال في اسلوبة ومنهجه

شكرا اخي وصديقي الرائع والراقي والمبدع استاذي (( الرايق ))

المشاركة الأصلية كتبت بواسطة ابونورية صح السان قايلها وناقلها والله يرحم والدنا وعزوتنا الشيخ سعود كويتي وموتا المسلمين. وا\لا تحرمنا من قصايده وخلنا نقراهم وتقراهم الا جيال القادمه وترى القصيد يربي افضل من يسمعون الاغاني البطاله.تقبل مروري

يعجز اللسان عن التعبير عن رجال رحلو عنا باجسادهم وهم باقون معنا

بذكريات تخلدها الاجيال امثال شعر والدنا وشاعرنا الكبير سعود الكويتي

رحمه الله واسكنه فسيح جناته

شكرا لك استاذي ومعلمي الاستاذ الرايق على الموضوع الرائع بروعتك

امتعتنا بهذا الشعر الجميل وهذه السيرة العطره

شكرا لك وجزاك الله خير ااستاذي الرايق