|
[ قآلتْ لِي: يآلـحَـسَـآوِِيّ ~
|
موضوع حلوو صراحه للنقاش وبتكلم باختصار لاني حبيت اشارك انا بصراحه ما اعتبر نفسي من الحساء ولا شي بس لاني انا اكون اعتبر الحساء بعيده عن العيون والعيون كانها بعيده عنهم ومستقله بكل شي الا بعض الاشياء اللي ان شاء الله تكون بالعيون وطبعا الاسلوب والتربيه واطباعاهم تختلف عنا كثيررر علشان كذا نشوف اننا غير عنهم وشسمه بعد وانا اشوف الحساء ما فيهم شي يعني وفيهم الخير والشر وكل بلد او مدينه او قريه او ايا كانت فيها خير وشر والناس اجناس ومثل ما قالت مملكة الاحساس اننا واحنا صغار تعودنا على كذا من اهاليناا واللي حولنا ان هذول حساويه ومدري ايش وعلى كلام مديرنا العزيز ان السبب.......هو عند البعض مثل ما جا بالموضوع بالبدايه النكت وغيرهاا انهم شايفين الحساويه كلامهم غير واسلوبهم وهيك شي بس انا بصراحه اقولك السبب عن نفسي وهذا مثل ما ذكر باخر الموضوع عن الطوائف بس هذا هو السبب عندنا ما اتكلم عنه بس هو السبب لان السعوديه بشكل عام لم تقول الحساء يعني هذا وشسمه ماني بقايل وبعضهم لم يروح برا يقوله واحد حساوي يزعل ويعصب انا عن نفسي اخر همي حساوي ولا شي ولو قال انت حساوي ما صادفتني بس مره صادفني واحد يقول انت من الحساء وهيك وكان صريح سئلني سوال يقول انت شيعي قلت لا بس هنا انا عطيته معلومه ان الحساء فيها وفيها وفيهااا بس انا بصراحه لم اسمع كلامهم يعني هههه تجيني الضحكه وما فيهاا شي بس اكتمهاا يعني بعض الكلمات شوي قويه وغريبه عليناا مثل ما قالت جمرة (طقيته ) هذي ما دخلت بمخي واضحك لا من سمعتهاا وبس اذا فيه شي غلط السموحه وعدلوه |
- لمآذآ هذه الكلمة قد تكون مثيرة لآعصآب آلبعض؟ تكون مـنرفزهه فقط ، عندمآ يطلقهآ عليك شخص من نفس ( المحافظه ) وهو يدرك من آين أنت , لكن يجبرك على الانتماء لهآ والامتنآن لهآ وذكر أفضالهآ عليك لماذآ !! , أعتقد ليس لنا ذنب أن تكون هي الوحيدهه القريبه منآ تتوفر فيهآ جميع الامكانيات بعكس مدينتنآ مهملة .. وخدماتها ناقصة ! فهذآ الشي لايحق له أجبرنا على الانتماء ! ولا آخص الاحساء فقط بل كل مدن السعودية , فـ نحن مدينة كاسائر المدن لهآ ثقافاتها وعاداتها وتقاليداها الخاصه فيهآ ومآهو الإنطبآع العآم لديك عندمآ يُقآل "حسآوي"؟ شخص بسيط , متوآضع وهل أنت تعتبر نفسك "حسآوي" ولمآذآ ؟ لآ , ل أسباب كثيرةة كمآ ذكرت فوق قالوآ علامك / شكراً حتى ترضين :118: |
|
لمآذآ هذه الكلمة قد تكون مثيرة لآعصآب آلبعض؟
الكلمه ماتثير لكن طريقه قولها هو اللي يثير والموقف اللي انقالت عشانه اذا جات في موقف مشرف ماحد يزعل واذا جات في موقف استهجان والا سخريه هنا الدقه ومآهو الإنطبآع العآم لديك عندمآ يُقآل "حسآوي"؟ عاديه عندي لانها مش عيب يعني وحده تطرقه عن ان الاحساء بالنسبه لغير الشرقيه موطن الشيعه هذا اللي يخلي تفاعلهم مع اللي ينتسب للمحافظه بالشكل هذا وهل أنت تعتبر نفسك "حسآوي" ولمآذآ ؟ ايه حساوي اجل انا وين ساكن اللي ساكن في بلد ينتسب لها كمقر له والا الحساوي مقطوع من شجره يعني |
راح ابداء واجاوب بشكل عااام ومن غير التقيد بـ آلأسئلة المطروحة هنا .
كذلك بتكلم عن موقف حدث لي أنا شخصياً أبان دورتي في امن المنشات بقطاع حرس الحدود بـ الدمام والمعروف بـ أن هذا القطاع جميع أفرادة من الجنوب ومن دون التعليق ع أي شي ..! وقبل ما أبداء بـ القصة راح أتكلم عن أبناء الاحساء بشكل عام مقارنة بـ أبناء مدينة العيون وبتكلم طبعاً من دون تقيد لأن الموضوع هذا تبيان وأستفسار ويحتاج الى تووضيح .. * أبناء الاحساء * - تبعد عن هم معنى آلأخوة بشكل غير طبيعي وطبعاً ماهو العموم فيهم .. - طريقة حديثهم ولهجتهم بشكل عام لدى الجميع يعتبر سخرية .. - الكرم و الشهامة و حسن الضيافة تقل نوعاً ماء لديهم .. * أبناء العيون * - العدو يعتبر أخ في أي موقف .. - أبناء كرم و شهامة وقبل ذلك شجاااعة .. - لهم مواقف جسدها التاريخ لنا وجسدت عليهم وقصة معروفة و مشهورة في حكم الملك عبدالعزيز أو فيصل لا أذكر .. - أهل بداوة وحظارة وأبناء قبائل .. * القصة * في مركز التدريب وهو يمر بـ آلأسماء وصل عندي وقال من وين يـ بسام قتلة مدينة العيون شمال الاحساء قال وش تقول طبعاً هو من الجنوب قتلة اللي سمعت قال يعني مش من الاحساء قتلة كلامي واضح من مدينة العيون و العيون ما بين بقيق و الاحساء قال العيون وش العيون ماهي مدينة هي قرية قتلك كلامي وااضح وانتهى قال يـ بسام اخر مرة اسالك وراح احجزك وقام يهدد بـ مصطلحات عسكرية المهم انة طردني ورحت للملازم ورجعت وقفني وقال لي أنا ما احب اللي يروح يدور شفاعه وهو مسوي نفسة بطل ( يقصدني ) قلت ماهو ولد العيون اللي تجبرة بشي ما هو لة ولا ينتمي لة وثاني شي هذا ما هو عملك انت كمدرب تجي تحقق في أسمي ومن أكون أنا ولا من وين والكلام اللي قلتها ماهو استنقاص من أهل الاحساء لكن ما راح ( أتبع قومي ماهو قومي ) . وفي اليوم الثاني اول ما دخل قال وين >> بسام قتلة أمرك قال لي ( آآآآآآسف ) * الخلاصة * من خلال ما كتبت و طرحت فوووق يتضح انا جميع من يسالون 90% يعلمون الفرق بين لهجة أبناء العيون ولهجة أهل الاحساء ولكن فقط من أجل السخرية ونحن أبناء العيون نعلم الفرق بيننا وبين اهالي الاحساء من خلال ما طرحت وما ذكرت ولا نرضى بـ أن نصبح مثلهم فنحن لنا عادتنا ولهم عادتهم لنا تقاليدنا ولهم تقاليدهم الخاصة بهم . فـ الشجاعة و الكرم و الشهامة ورثناها اباً عن جد ولا نرضى بـ أن يستنقص أي شخص منا ومن مديتنا الحديث يطول و يطول . بـ أختصار ( ما راح أتبع قوم غير قومي ) والكلام السليم اللي بعيد عن السخرية في طرح السؤال لي : (( لافرق بين عربي وبين أعجمي آلا بـ التقوى )) |
بختصار شديد وبعيدا عن كوننا من الاحساء او لا
اللوبي الاعلامي السعودي هو من زرع العنصريه في مجتمعنا فتجد ان الاعلام دائما يصور الحساوي بشخصيه كوميديه ومهرجه في مسلسلاته ... طبعا منذو فتره طويله وهذا الوضع ماتغير لهذا نتج عندنا اجيال تعتقد ان : 1- لهجه الرياض هي احسن لهجه وتحاول تقليدها وخاصه القصيميه 2- تغيييب جميع الثقافات في السعوديه وجعل ثقافه اهل نجد والجنوب هي السائده 3- محاوله الكثير من نسائنا التحدث بلهجه القصيم او الرياض بسبب ضعف الشخصيه لديهم واحساسهم بان الي بالاحساء والعيون طبقه ثالثه وغير متطورين !! عوده هيبه الاحساء تكمن في عزلها عن اماره الشرقيه ... وخطاب تاريخي من الملك ممثال لخطابه في جازان فا جازان كانت قبل فتره بسيطه مثل الاحساء مهمله ومهمشه ويسخرون منها لو ذكرت .. لكن بعد خطاب ابو متعب تحولت جازان الى ورشه عمل لتطويرها وبناء مشاريع ضخمه فيها اما الاحساء سوف تظل عين عذاري حتى تفصل من امارة الشرقيه وتكون مستقله لها امير يامر وينهي باستقلاليه ... ربما اكون شطحت خارج الموضوع من وجهة نظركم لكن انا طرحت لكم الاسباب على المدى الطويل التي حدثت في السابق ونجني ثمارها الان .. لدي نقاط كثيره حول اسباب تصوير الحساوي على انه شي يفشل لكن غلبني النوم وذكرت نقاط بسيطه جدا جدا ولو استرسلت راح ينقلب الموضوع سياسي |
حسااااااااااااااوي وبكل فخر ((مدينة العيون فيها مولدي وفيهاا اصلي وفصلي ومع ان هويتي الوطنيه من مواليد الاحساء
فأنا حساااوي وفي اعتقاادي ان كل النظره للحساووي فقد تكووون عنصريه اذا لم تكون قبلي او طائفيه بأن اغلب سكانها شيعه اقصد الاحساء ترى من ينكر الله وربي ماله ااصل وواثق الخطووه يمشي ملك . قصتي كنت في مكان ومع اشخاص يكسووهم الجهل الفكري دائما تكون النظر للاخر متعاليه ومع الايام والسنين كان هنااك شك حتى في الانتمااء بمعنى من يقوول لك لااصدق بأنك حسااوي وش دعووه كل اهل الحسا شيعه المهم وفي احد الوقات الفاصله في احترام النفس واقسم بألله لاا اقوول سوى الحق وعند مسئوول رفيع وكبير والكبر لله سبحانه كنت قد اتيت للشكوى على فلان من النااس ورب الكعبه قبل ان يسمع شكووتي بعد ان رأى اسمي قال ومااصل هذه العائله اجبته وقلت ((حسااوي)) وبعدها اشار بيده وكأني اراها الان وقال اخرج ولالك حق واجبته مرره اخرى (الله ثم الملك والوطن) وخرجت وبعد ايام وشهور وسنين وكلي ايمان اولا بالله وبقيادتنا الحكيمه توجهت وعن طريق الكتابه لااصحاب السمووو وبأقل الكلمات بعد ان وصفت ماحدث وفي نهاية كلامي تساءلت نعم انا حسااوي ولكن هل لي الحق بأن افتخر بأني سعودي ورب الكعبه وجدت التجاوب والحماس والاخلاص من اعلى مسؤووول . وحناا يااهل مدينة العيوون بالضبط مثل ااهل تركيا يقبلوون بأن يكونون اخر الدول الاوربيه وهذا هم يستعطفونهم ولا ان يكونوا اول العرب مسرح تواجد اصوولهم . واللبيب بأالاشاره يفهموا ورحم الله امرئ عرف قدر نفسه ولكم ولكاتبة المووضوع ارقى التحايا |
الفخر باننا حساوية
وليه نزعل اذا حد قال لنا حساوية |
السلآم عليكم ورحمة الله وبركآته
أولاً آعتذر على التأخير في الرد ومآِشآء الله تفآعل جميل وآعجبني سوآء كآن يتفق مع رأيي أو يختلف لي بآك بآلرد بعد قليل إن شآء الله :) ~ :118: |
| الساعة الآن 05:19 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون