بعض الرجاجيل
 

بعض الرجاجيل

بعض الرجاجيل رزه فن معموله
مبنيه الملح قليل الماي يهدمها

هندام تقليد والاسرار مجهوله
زمره بلا شي ورب البيت يعلمها

وش عاد لك تبني المنقوص وشهوله
كل يعرف الحقيقه من معالمها

المرجله ماتبي ثرثار مقيوله
تبي الشجاعه وبيت الجود معلمها

لاتحسب المرجله سلعه ومجدوله
تشرى وتنباع في حزه مواسمها

هذي جهاله من الأذهان مشيوله
دور على غيرها بالصدق وأرسمها

ما كل من جاء يدور مرجله حوله
يلقى الرئاسه ويلقى من يسلمها

درب المعالي طويل يا باغي طوله
يصعب على اللاشى خطواته يتممها

تبغي نفس في الشجاعه والكرم نوله
الجار والضيق واليمنى قسايمها

خلك مع اللي طبيعي يختفي زوله
سحابة الصيف ماتخضر مناجمها

الشاعر: سعود بن احمد العواد

صح ألسانك ياشاعرنا
قصيدة جزله

صح بدنك

صح لسااااانك
قصيده رائعه

صح بدنك ماقصرتي