|
اتحداكم ماتقولون كلامي صح !!!!!
اولا السلام عليكم ورحمة الله وبركاته
ثانيا افتخر انه عندنا منتدى يحكي مشاكلنا لوحدنا خاص انا فقط لااهل العيون الله يحفظهم وبحفظ جميع المسلمين في كل مكان اليوم موضوعي جدا جدا مهم بصراحه حبيت اتكلم فيه ودائما القصد هو مصلحة الجميع ز على العموم ماابي اطول عليكم نبدا بالموضوع (( اطفــالنــا في خطر )) صراحه ماني عارف كيف ابدأ وبما اني مستعجل وفيني النوم بكتب بسرعه مع ان القصد واضح . القصد انا اللي اشوفه واللس يشوفه غيري اني دائما اشوف خلينا نتكلم بالعاميه شويه معليش اللي اشوفه انه بزارينا على طول في الشارع والله اني خايف عليهم انا اقولكم كيف يعني تخيلوا ياجماعه طفل عمره حوالي 3 سنوات اشوفه بالشارع اما يلعب والا رايح على البقاله, رياله في يده وماشي لا هو معبر اللي حوله والا اللي قدامه يخطف الشارع لحاله واللله مسكين والله العظيم كثير يتكرر المشهد يوميا . انا هنا ماالوم الاطفال الوم هنا الاب والام والله حرام اللي تسوونه بعيالكم والله حرام انتو تقتلونهم كذا والا لا ياجماعه والله عيب وين التربيه وين قول الرسول صلى الله عليه وسلم كلكم راع وكلكم مسوول عن رعيته . مو بس الواحد يجيب عيال ويهملهم .خلينا لوسمح الله الطفل لو كان لحاله واصدمته سياره من المسوول جاوبوني ....... انا هنا احط اللوم 1 % على سائق السياره و 99% على اهله لانه اهله هم اللي اسمحوا له بطلوع الشارع لحاله والمشكله هنا ابو الطفل يجي ويتلفظ بكلام والا يشتكي والا ..... الى اخره .طيب ليش من البدايه مامسكت عيالك وعلمتهم خطر الشارع والا انت مشغول مع ربعك في سهره وغيره والام حواس في الشارع من بيت الى بيت . والله ياجماعه الموقف يتكرر يوميا والله صغار مرررره 3 او 4 سنوات وبعض المرات اقل من 2 سنه ليش طيب.امر بالسياره وبعض المرات تكون زوجتي معي بالسياره واذا شفت الموقف هذا والله اني ازعل واقول عبارات والفاظ بذيئه على ام وال الطفل واقول حسبي الله على امك وابوك واخوانك اللي خلوك تطلع الشارع لحالك وغيرها من كلام لاني والله اتالم واخاف يصير له شي اما سياره او او غيره. والشيئ الثاني رساله الى زوجتي توصلها الى نفسها والى صديقاتها واهلها وهكذا على شان كل واحج يسال عن اطفاله ويهتم فيهم مو يقتلهم . بالعكس انا ماامنعم عن الشارع ولكن طلوعه للشارع انت معه اوكيه غيره لا والف لا . طيب نجي هنا الى مساوئ كثرة طلوعه بالشارع قلنا الحوادث ولكم الاهم تعالوا معي نشوف : انا بعطيكم حاجات بسيطه والباقي عليكم كثرة طلوعه رايح يختلط باطفال اما اكبر من والا اصغر منه والا في عمره ورايح يتعلم منهم اشياء اسوأها ممكن نقول السب الشتم الكلام الوسخ .خلينا نكبر الموضوع باشياء ماتتوقعونها تقليده لااكبر منه سن ومع المستقبل اذا كبر اما يتعلم ( انا اذكر هنا المساوىء فقط واحتمالها كبير جدا مع اني اتمنى لاتحدث اطلاقا اللهم امين ) طيب قلنا احتمال يقلد اللي اكبر منه ويقلد منها التدخين التفحيط ..السرقه ..اهمله لدروسه وفي النهايه ليش لديه شهاده ون شارع الى شارع ....اللواط ...يتعرض للخطف وهذه للاسف عندنا منتشره طبعا كلنا اعيال بلد ونعرف بعضنا صح ...والباقي عليكم ............. ياجماعه معليش لااحد يزعل من كلامي لاني قلت القصد مصلحة الجميع اعتقد هذه رساله اتمنى لو منا وصلها الى صديقه والا الى اهله اخوه امه ابوه ......... ياجماعه لاني اشوف الان صغار في عمر الزهور والله اتندم ليش كذا لو انه اهله ربوه واهتموا فيه وين رايح ومن وين جاي كان صارت الامور بخير لا خطف ولا تفحيط ولا ....... والله ياجماعه انا اشوف الموضوع مهم وخوفي على الاجيال القادمه وش يصير فيهم والله يستر مع اللي نشوفه الحين مشاكل ومنها شله من الناس في عمر الزهور 12 13 14 15 سنه المرحله هذي هي الاخطر كل واحد معه شله بالسياره 43 او 4 المسجل اغاني الصوت على الاخر ومن شارع الى شارع هذا غير التجمعات في الشوارع الرئيسيه والاب والام غافلين عنه اهدوه سياره جديده والا مستعمله ماتفرق مع ان المهم هو السياره وقت الحاجه . وفي النهايه تاتي المشاكل كثيره اولها التفحيط والاختطاف واللواط والجاي اعظم ولا انسى ايضا عندنا ظاهره منتره من زمان والى الا ن موجوده لا وكثرت الا وهي الحبيب مع حبيبه >>>>سجلوا مااقول الا الله يستر اترك لكم الجواب و اتمنى اللي يقرا الموضوع لايهمله اتمنى لو يرد بكلمه وحده او حتى السلام عليكم اوحتى لوكان فيها ملامه او غلط علي مو مشكله بس اهم يكزن في درايه للموضوع ومنع الظاهره مع نها كثيره . ادري طزلت عليكم بس معليش تحملوا .. سبحانك اللهم وبحمدك اشهد ان لا اله الا انت استغفرك اللهم واتوب اليك والسلام عليكم !!!!!!!!! |
aaaa
ولنا عوده ان شاء الله |
وعليكم السلام ورحمة الله وبركاته
شكرا لك أخي العنابي على موضوعك وعلى حبك لأهل بلدك وحرصك على الجميع وحبك للخير أخي العنابي صحيح هذا الفعل منتشر عندنا كما قلت وألقيت أللوم على الأهل بنسبة 99 في المائة و1 في المائة على السائق إنا هنا أخالفك وأقول كذلك السائق له نسبه أعلى بسبب السرعة القاتلة في داخل الإحياء وهذا أول الأسباب وغيرها من الأسباب وهي ثقافة السائق نفسه قليله في مجتمعنا يعتقد إن الشارع ملك له ولا يجب إن يخطوا إي فرد فيه من طفل ومسن وأمراه .......الخ والسبب الأخر هو المدرسة كذلك والذي اعتبره الاحتمال الكبير بنسبة 50 % لان المدرسة لأتعلم الطالب أو الطفل الأشياء الضرورية عند خروج الطالب لو مثل قواعد المرور بشكل مبسط جدا يستوعبه الطفل وأضيف غيظا إن الكبار عندنا لايتقيدون بقواعد المرور أو أدب السير في الطريق فيرى الطفل أباه اواخاه او قريب له يفعل مثل الأمور هاذه فيطبق مايرى وانا أيدك الرأي إنا الأب وإلام والبيت له نسبه أخرى وكبيره ايظا شكرا لك أخي العنابي ولنا عوده أخرى إن شاء الله أخوك بوسعد |
يعطيك العافيه وياهلا فيك
انا معك وكلامك صحيح وانا قلت لك في البدايه الاب والام يهدون ولدهم سياره وهذا الناتج وهو عباره عن السرعه داخل الاحياء ورفع صوت المسجل (الاغاني) ولما قلت ان السائق 1% انا متاكد منها هذا ينطبق على السائق العاقل المثالي وبالنسبه ل 99% ينطبق على السائق اللي والدينه الاب + الام معطينه الحريه المطلقه . والله يعافي الجميع طيب حوالي 18 دخلوا وقروا الموضوع 2 ردوا طيب وين ال16 لازلنا في الانتظار ترى مو لي ترى لمصلحة الجميع |
نعم هو مثل ماتفضلت به أخوي العنابي موضوع في غاية الأهمية واجهنا مثل هذا الأمر مرارا وتكرارا يكاد لايخلو شارع في العيون مانجد فيه مثل هؤلاء الاطفال عجيب أمر أولياء امور هؤلاء الاطفال أمرهم عجيب فعلا أو حتى إخوانهم الأكبر سنا نعم هم السبب الرئيسي في وجود الأطفال في الشوارع ولعل بعضهم يرسل الأطفال ليقضي مصلحة له وهو جالس في البيت اما ان يرسله لشراء حاجيات من البقالة أو يرسله للمغسلة ............... وغيرهما ولعلهم يعرفون أنهم على خطأ مع ذلك لايمتنعون فقط يمتنعون لفترة بسيطة إذا صار حادث لطفل ما يخافون على اطفالهم ويمنعونهم من الخروج لأيام ربما اذا طالت ليومين او ثلاثة ومن ثم خلاص ينسون ماحصل ويرجع الأمر كما كان الأغرب من هذا كله ماشاهدته انا في أحد البقالات طفل لايتعدى الخامسة من عمره يرسله ولي امره للبقالة أن يشتري له علبة سجائر وولاعة العنابي لك من كل التحايا وكل التقدير |
السلام عليكم
اخي العزيز العنابي الف شكر لك على هذه الموضوع الهادف وفعلا الحواري صايره مثل روضة الاطفال . واللي يزيد الالم هالقصه اللي حصلت لاحد اخوياي لما لقى له طفل عمره سنتين وفي وسط شارع والموت انه ما يفقه شي ومو عارف وين بيتهم يقول عجزت وانا اسئله ابيه يأشر على شي وللاسف مو حاس واشيله وانزله ولا حس باني غريب ولا صاح يقول قلت بخاطري هالولد رابي بهالشارع وحاس بالامان المهم راح يدور فيه من بيت لا بيت واحد البيوت من جيرانهم دلوه على بيت ابو هالولد ويقول لما رحت عند بيتهم ولا اشوف اي اثر لفقد طفل او حوسه وناس تبحث عنه . طق بابهم طلع اخوه .. هلا والله ... هذه الطفل لكم ايي وين لقيته .. في اخر الشارع .. اخوه وهو يضحك بكل بجاحه !!!!! يقووول ــ تصدق هذه رابع مره يجيبونه من نفس المكان ــ ومع اشوية ابتسامه ولطافه من الولد وهو يقول اموووت واعرف اش عنده هالبزر في ذاك الشارع .. رد عليه خويي وقاله اسئله لا كبر .................. اسف اذا طولت عليكم بس هذه من ضمن الحقائق المؤسفه وياريت نهتم بالموضوع لان هاؤلا الاطفال احباب { الله عز وجل سبحانه } وسيحاسب كل مهمل ., ## وفيه حكمه تقول اتعب عليه صغير حتى ما تتعب منه كبير ## ودمتم |
أخي العنابي وعليكم السلام ورحمة الله وبركاته
وبارك الله في طرحك لهذا الموضوع الذي يدق ناقوس الخطر و ينذر بخطر قادم بسبب إهمال بعض الأسر لأبنائهم سواء كانوا صغار أو في سن المراهقة ، واتخاذ الإجراءات اللازمة والحلول لتدارك هذه المشكلة . أضافه إلى ما ذكرت أخي العنابي من إهمال الأطفال وتركهم يلعبون ويذهبون إلى البقالة دون رقيب هناك ملاحظة أخرى ألا وهي إهمال بعض الأطفال في الشوارع حتى ساعات متأخرة من الليل ولربما بزغ الفجر وهم على هذه الحالة . عن أبن عمر رضي الله عنهما عن النبي صلى الله عليه وسلم قال (( كلكم راع وكلكم مسؤول عن رعيته والأمير راع ، والرجل راع على أهل بيته و المرأة راعية على بيت زوجها وولده ، فكلكم راع ، وكلكم مسؤول عن رعيته )) . متفق عليه . المشكلة أن المسؤولية يفهمها بعض الناس على أنها مسؤولية مادية ، فالأب يتوهم أنه بمجرد أن يجلب لأولاده طعاماً وشراباً ، وأن يؤمن لهم كساءاً وما يحتاجون من حاجات مادية ، فقد أدى الذي عليه ، والحقيقة أن المهمة الأكبر والأخطر ، والتي سوف يكون السؤال عنها أشد هي مسؤولية الأب والأم عن دين أولادهم وعن أخلاقهم وعن مستقبلهم الأخروي ، لأنه ورد في الأثر أن الابن إذا لم يعتن أبوه بدينه واستوجب النار ، يقول : يا رب لا أدخل النار حتى أُدخِل أبي قبلي ! فالأباء الذين يعتنون بأبنائهم من حيث طعامهم وشرابهم وكسائهم وحاجاتهم المادية ، ثم يهملون ابنأهم في الشوارع، ولا يلقنون أبنأهم بأمور دينهم وأخلاقهم وصلاتهم ومستقبلهم الأخروي ومصيرهم إلى الجنة أو إلى النار ، هؤلاء الآباء قدموا شيئاً زائلاً ينتهي بانتهاء الحياة . ولربما كانت النتيجة سلبية على الآباء في دنياهم قبل آخرتهم بسبب الاهمال . أخي العنابي لك الشكر الجزيل على هذا الموضوع |
السلام عليكم
اشكرك على الموضوع وانشاء الله ينحل |
وعليكم السلام ورحمة الله وبركاته جميعا
ياهلا فيكم ويعطيكم الف عافيه واسال الله العلي القدير ان يحفظكم ويحفظ ابناء المسلمين اللهن امين ولازلنا ننتظر المزيد والكثير من الاراء لحماية ابنائنا من الضياع ولا شك يجب علينا ان ننصح ونرشد من حولنا ويعطيكم العافيه |
أخي العنابي
وعليكم السلام ورحمة الله وبركاته الله يعطيك العافية على هالموضوع وكلامك مليون بالمائة صح صح صح وجزاك الله خير تحياتي |
| الساعة الآن 11:38 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون