فلسفهـ ..
 

السلام عليكم

كح

هذي قصيده لي

اتمنى انها تعجبكم

ولو ان فيها مأساة

بس ياليت انها تنال اعجابكم

................


راحت ايام السعاده واقبل الهم بسكات
واقفت سنين من الافراح متعطره
وحزمت ضلوعي للوجع والالم والونات
واستعديت للشقى والخوف والسهره
راحت ولا مستوعب عقلي اللحظات
بين اللقى والفراق والدموع والعبره
مر علي شريط حياتي في ساعات
واختلط كل حلو وكل سنيني الغبره
صابت معي بس القدر له وقفات
وحتى ولو هي اصلا جات متاخره
كن الوداع قلب صابته خمس جمرات
جمرة غضب حب لوعه وشوق وحسره
في ذمتي كانهم فيني خمس طلقات
طريح ابي الموت وعيا يجي امره
ايقنت ان السعاده بعيده عني بمسافات
واقنعت نفسي ان الادويه كلها مره
بستان قلبي الي غدى عقبه مساحات
فاضيه من بعد ماكان كله ورد وخضره
يمكن وقته في الرحيل احسن الاوقات
بس قلبي تعب لين شاف هالنظره
آه ياروحي آه يالسنين المقبله والماضيات
آه ياعزتي لقلبي على طول صبره
ليه هو سؤال عجزت القى له اجابات
ليه ابي رد لها ثم اسامحها وعلى اجره
ليه ثلاث حروف مالها رد بالقاموسات
ليه سؤال عشت معه وقت لجل افسره
ليه تركتني هي سامعه عني اشاعات
او حبت تغير قلبي وليه قلبي تغيره
ليه رجعت نفس الكلمه تتبعني بكل الاتجاهات
ليه ليه ليه حتى الشطرصابته كسره
عرفت ان كلمة ليه عليها غرامات
واذا سلمت اليوم عقبها ماتسلم الجره
عرفت ان لابد اعرف من كل شي شويات
واعرف عن الشي كل شي واختصره
وفهمت ان الفلسفه شي يستحق المعانات
واكتشفت ان الحب فلسفه تحتاج عبره
وعبرتي يوم انطعنت وانا شجاع الساحات
ياكيف انطعنت وخانتك ذيك النبره
عرفت كل شي احتاجه في هالحيات
الا سؤال ليه مالقيت من لي يفسره


................

وسلامتكم :)

صح لسانك وفالك البيرق

دمت بود

صح لسانك وعلا شانك
[size=4][align=center]

ماشاء الله مادريناانك شااااعر يالمنسم
بس جد حسيت ان الكلام من قلب
دووووم هاالابدااع
في انتظاار القاادم الافضل باذن الله,,
تقبل مروري

باب الليل

صح بدنك ولا هنت ع الرد

الفضي

صحيح هذي جات على خط عقير

بس انت لاتفضحنا ههههههه

وبالنسبه للوزن

لا والله فيها كسور :)

بوح مشاعر لا اكثر

وصح بدنك

خربشاااااات

صح بدنك ولاهنت

للحين ماصرنا شعراء بمعنى الكلمه

هذا بوح مشاعر فقط :)

يعطي الف عافيه

وابشر بالجديد

راحت ايام السعاده واقبل الهم بسكات
واقفت سنين من الافراح متعطره
وحزمت ضلوعي للوجع والالم والونات
واستعديت للشقى والخوف والسهره
راحت ولا مستوعب عقلي اللحظات
بين اللقى والفراق والدموع والعبره
مر علي شريط حياتي في ساعات

**********//////*********


صح لسانك

صح لسانك وفالك البيرق

الدنيا كذا

صح بدنك

ويعطيك العافيه ع المرور