ملتقى مدينة العيون - ][ غرقت بذنبي المؤلم غرقت بعازف اللذات ][

ملتقى مدينة العيون (http://www.aloyun.com/vb/index.php)

- أحآسيس جميلة وهمسـآت دآفئه (http://www.aloyun.com/vb/forumdisplay.php?f=7)

- - ][ غرقت بذنبي المؤلم غرقت بعازف اللذات ][ (http://www.aloyun.com/vb/showthread.php?t=17150)

][ غرقت بذنبي المؤلم غرقت بعازف اللذات ][

بسم الله الرحمن الرحيم

السلام عليكم ورحمة الله وبركاته

كيفكم ان شاء الله بخير

هذي محاولهـ بسيطه وارجوا ان تسرق اعجابكم وماترجعه ابدا :D
..................

غرقت بذنبي المؤلم غرقت بعازف اللذات .. غرقت ولازمت اذني مسامع شين واغاني

غديت مثل الذي يسهر وعايش في وهم واهات .. وعرفت ان العزا وحده يعزي ماضي احزاني

تعبت وعافت رجولي ونص المشي وقفات .. اناظر بالسما نجمن تعلا فوق اعياني

افكر في مدى هالكون وتخالط عبرتي بسمات .. وتشرق فيني الفرحه وهم هالحزن اعماني

دخيلك ياحزن لحظه توقف ياحزن لحظات .. دخيلك مابقى فيني مكان وهمي اشقاني

عزفت نغم الحزن لجلك وغنيتك امل بسكات .. كتبتك فيني اشعاري ولحنتك من الحاني

عساني انحرم منك عساني اكتفي طعنات .. عساك الموت ياهمي عساك بوسط اكفاني

تبخل فيني البسمه وتزرع فيني الأنآت .. تخالط فيني العبره وتحرمني من اشجاني

الا ليتك تعرف انك غديت بخطوتي عثرات .. تمثل فيني دروبي وتضيعني عن ازماني

تعبت الاه يادنيا تعبت النصب والكذبات .. تخمرت الاسى فيني وسقيت السم للساني

عرفتك حيل كذابه عرفتك بس للأزمات ..عشت الظلم بسواتك واحيي كل من جاني

دنيه حيل يادنيا دنيه والدنى بالذات .. هو الي فيك متميز اذا لونتك الواني

يحول الحول بايامي ويجيني هادم الاوقات .. يطالب في اجر يومه واشوف الوقت عداني

اسامر بالسما قمره وداعب بالبحر قطرات .. واشوف القطره تعيي تكون بوسط احضاني

اراضي هالزعل مره واشوفه بخافقي مرات .. واصافح يد هالرحمه وتتركني وتنساني

عرفت اني ضحية امس وكثرت فيني الغلطات .. عرفت ان السعاده بين ذكر الله وايماني

..............................

وسلامتكم

.. من بوووحي ..

صح لساان قايلها
مشكوور اخوووي لا هنت على هالتفااعل

هههههههه

صح بدنك حياك الله ..

صح السانك اخوي المتميز دائماً موت المشاعر على هذه القصيدة الرائعة .. ربي يوفقك

ماشاء الله قصيده جدا رااااااااااااااائعه ..
صح لسانك اخوي مووت المشاعر ..
تقبل مروري ..

صح بدنك اخوي عبدالله الحسين لاهنت ع الرد ..

صح الله لسانك

قصيده رائعه من روائعك
ومعاني جميله

لاتحرمنا جديدك

دمت بود

تبخل فيني البسمه وتزرع فيني الأنآت .. تخالط فيني العبره وتحرمني من اشجاني

الا ليتك تعرف انك غديت بخطوتي عثرات .. تمثل فيني دروبي وتضيعني عن ازماني

تعبت الاه يادنيا تعبت النصب والكذبات .. تخمرت الاسى فيني وسقيت السم للساني

دنيه حيل يادنيا دنيه والدنى بالذات .. هو الي فيك متميز اذا لونتك الواني..

انا اشهد انك ماقلت فيها الا الصدق ..

وهذا الواقع المرير اللي حنا نعيشه ..

الدني هو اللي متميز ..الله المستعان ..

واعجبني كثيرا اهتداء الشاعر موت المشاعر في نهاية

القصيده .. الى حقيقة السعاده ..اين تكمن ؟؟

عرفت اني ضحية امس وكثرت فيني الغلطات .. عرفت ان السعاده بين ذكر الله وايماني

صح لسانك واعتلا شانك ولاهنت ..

سلم فكرك وقلمك وبنانك ..

اجدت وابدعت وهذا ليس بمستغرب منك

فما جادت قريحتك الا بما هو رائع ..

اسجل اعجابي الشديد بقصائدك ..

دمت ودام مداد قلمك ..

في انتظار رائعه اخرى من روائعك ..

حفظك المولى من كل مكروه ..

الفارسه

صح الله بدنك ولا هنتي ع الرد ..

مغيري حياك وبياك وصح الله بدنك

دمت بود ..