ملتقى مدينة العيون - أنا ياليتني قبل اختتمها مت في سكته **

بسم الله الرحمن الرحيم

في البداية أحب أهديكم هذي الأبيات

عــز الله اني فـي غـيابي تضايـقت
**** و اعلنت شوقي عالمـلا صـدقـوني
يوم اسألوني عن غـلاكم تـوهــّقـت
**** خوفي أقـول و أعـترف يحـسـدوني
يشـهد عـلي ربـي بغـلاكم تعـلقــّـت
**** و انتوا بصراحة خاطري تعرفوني

و لكم هذي المشاركه و أتمنى تعجبكم

عين العذول

أحبك وادري ان اللي بـقـوله مـا هـو بـوقـتـه
**** حكايتنا انتهت بدري بـدون اسـباب مـذكـوره

و هذا اللي أنا ظـنـيت و كان فـبـالـي و قـلـتـه
**** تفارقنا و كنتي انتي من اللي صار مـبـهـوره

يا ليت تصدّقـي. .فـعـلـي أنـا لا مـا تـعـمّـدتـه
**** نعم فجأه لقيت انـي أعـوف الحـب و سـروره

و لمت اللي توقـّعته سبب فرقاك انا و دسـتـه
**** و قلت ان العشم ما كان يـا قلـبي بهـالصـوره

أبعرف ليه يا قلبي تركت اخلاصها و عـفـتـه
**** و هي بقصّة عذابك ليـه منـسـيّـه و مهـجـوره

و لبّسني الخجل ثوبه و أنا مشكلـتـي لـبّـسـتـه
**** ويبقى ذا السؤال الـلـي يـلـف الـبـال و يـدوره

أبعرف كيف أشرح لك عن اللي صار يا نبتـه
**** نمت و الهم داخلـهـا يـطـول الـورد و جـذوره

عن احزاني عن آهاتي عن احساسي و سالفته
**** عن اللي دار ما بيني و بين القـلـب و شـعـوره

وصرّحت الذي عندي و لساني قصب نطـّقـته
**** قصب عنـّه ولا إنـّه يـزيـد بـظـلـمـه و جــوره

وقلتي ليه مــا ودّك تــكـمّــل دربٍ اخــتـرتـــه
**** و قلبك كانه بحـبـي تـعـلــّـق وش غــــدا دوره

مـحـبـتـنـا أمـانـيـنـا و كــل الـلـي تـحـلــّـمــتــه
**** صراحتنا محـال تـكـون فـي داخـلـك مـقـبـوره

تكلــّـم قـول صارحني و جاوب قـلبـي أسـإلـتـه
**** أنا اللي كان في قلـبي يشـبّ القـيـض و يـثـوره

على شانك أنا قـلـبـي تـحـمّـل فـوق مـقـدرتـــه
**** حملت جروح ما كانت يا روح الروح مقدوره

تحدّيـت الـقـرايـب و الـعــواذل كـلـّهـم و انـتـه
**** بكـل بـرود تـتـركني عـلى هالـكـون مكـسـوره

و أثاري كـل ما صار بفؤادي و مـا تعـايـشـتـه
**** سبب عين العذول اللي خدعـنا بكثرة حـظـوره

سألـت بـحـالـتـي مـريـم و كـل انسـان قـابـلـتـه
**** سألت و قلت ليه القلب عاف الشوق و شهـوره

و جـاوب أغـلـبيّـتـهـم و قـال العـيـن بـأجـوبـتـه
**** و كان البعض متعجّب! سكت ما فادني بشـوره

ألا يـا عــاذلٍ فـيـنـي سـهـم مـسـمـوم صـوّبـتــه
**** عسى الله يفضح لناسك خـفـايـا فـيـك مـسـتـوره

أنـا يـا حـبـي الـوافـي و أصـدق حـب عانـقــتــه
**** أحـبـك و ادري ان الـلـي كـتـبـتـه إنـتـهـى دوره

على طيبك على صدقك على صبرك و مقدرتـه
**** على احساسك على عطفك وكبر القلب مشكوره

يظـل اسـمـك عـلى قـلـبي يعلــّـق كـل أوسـمـتـه
**** تظل اطباعك افعالـك بـكـل اجـزائـي محـفــوره

بظل اصرخ لكل الناس وقته . . ما هـو بـوقـتـه
**** تظل الذكرى في بالي و من يمحـيـهـا يـا نــوره

أنا يا لـيـتـنـي قـبـل اخـتـتـمهـا مـتّ فـي سـكـتـه
**** ولا تـكونـي مـن اسبابي بقايـا انسـانـه مقـهـوره

*

*

وسلامة قلوبكم