قصيدة إهداء من جمهور الشمس الى "الحارس الفذ"{محمد الخوجلي}.
*بسم الله الرحمن الرحيم*
هذه القصيده. إهداء مني ومن جمهور النصر الحبيب. إلى: العائد لحراسة العرين النصراويalking ( محمد الخوجلي ). بمناسبة عودته للحراسه. يمكن البعض شافها والبعض منكم ماشفها بس انا اول مرة اشوفها شوفها وعطوني رااايكم . إليكم القصيده. *القصيدة* ياهل الرياضة منهو الحارس الشــاب------اللي حياته للرياضــــــــة وهبـــــها منهو الاسد للمجد والعز وثــــــــــــاب------ ليث الشباك الي يروّض صعبــــها أسطورة المرمى جمع كل الألقــــــاب------هو جوهرة كل الشباك وذهبـــــــها ومن علّم الكورة اذا وصلت البــــــاب------تضيع لو أفضل مهاجم لعبـــــــــها أكيد هذا الخوجلي فــــخر الألعـــــــاب------ترقص له الكورة طرب من طربها فنّان وإن كان الرياضة بالأنســـــــاب------أبوه حقق للرياضــــــــة طلبـــــــها حصن على المرمى ولايحسب حساب------كم هجمة كانت عليـــها وقلبــــــها حتى بضربات الجزاء هادي اعصـاب------ويصدها كن الحكم مااحتسبـــــــها الخوجلي له فن وأسلوب جـــــــــذاب------شاف النجومية بساط وضحبــــــها له صفقة الجمهور تقدير وإعجـــــاب------وله صفحة تاريخ فنه كتبـــــــــــها وله في شباك العالمي كل ترحــــــاب----- والمنتخب له في شباكه عجــبــــها ماخاب ظن المنتخب فيه ماخــــــــاب------ويطمن بلاده علـــــى منتخبــــــــها إبن النصر نادي المحبه والأحبـــــاب-------كنز الجزيرة والمعالي كسبــــــها في عزّ أبوخالد له العز طــــــــــــلاب-------في قمة ماطالـــــــها من طلبــــها شيخ الرئاسة عالي الشان غــــــلاب-------لو تنغلب سود اللــــيالي غلبــــها الي تبنّى الخوجلي الحارس الشـــاب-------اللي حياته للرياضــــة وهبــــــها |
هلا مدرجهم
اطلعت عليها ويستاهل الاسد كل خير ويارب يعود للحراسة ويعار شريفي كفو كفو كفو |
مشكور اخوي الرادار على مرورك
بالتوفيق للخوجلي مع نصرنا |
يسلمو اخوي مدرجهم
والله يستاهل الصخرهـ العيوني32 |
مشكور اخوي الصخره العيوني على مرورك
|
يعطيك العافيه اخوي مدرجهم على التغطيه
|
قصيدة مميزة..
ونتمنى ان يكون الخوجلي في قمة مستواه .. كل الشكر لك مدرجهم.. |
مشكورين اخواني على مروركم
|
هلا مدرجهم
اطلعت عليها ويستاهل الاسد كل خير ويارب يعود للحراسة ويعار شريفي |
مشكور اخوي الملك الاتحادي على مرورك
بالتوفيق للخوجلي مع نصرنا |
الساعة الآن 11:03 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون