|
اكثر من سنتين ولا شفنا جديد في البلد يارئيس البلديه
السلام عليكم جميعا
واضح من العنوان لاا اريد ان اخوض والله انها نقاط كثيره. ايعقل مثل هذا الامر يارئيس البلديه لك اكثر من سنتين ولا شفنا اي جديد . لمصلحة من يعمل هل يعمل لصالح القرى وتارك الام . لاشفنا لاحدائق ولا شوارع زي الناس اللهم الا الشارع اللي في يقسم السطانيه لها مده وهو يسيل في البلاط ويغير والايام هذي اللي ازال الاشجار والرصيف في المدخل الريسي وبدال مايقلل من الرصيف ويوسع ضيق في الشارع ولا حتى وضع او فتح مسار من الرصيف على الاقل اللي يبي يلف يسار يدخل في المسار عشان يلف ول سوى شي شال رصيف وحط رصيف ثاني. يعني الى متى وحنا ساكتين على كذا بصراحه ماصارت. ماعليه حطا لنا اي واحد وخله ياكل الين يقول بس بس على الاقل يعدل يرتب شي في البلد. والله اني اشوف مناطق اتمنى بلدنا فيها ولو شي بسيط بس ياخساره على الدراهم اللي تصرفها الحكومه واه يالقهر . الناس تطورت والبلد تكاثر بالسكان ولكن مافيش امل . طيب يارجال البلد او ياكبار البلد او مايسمونكم تحركوا لانكم الوجهاء والا بس وجهاء لمصلحه شخصيه. عذرا بس فيني حره بقلبي |
والله انك صادق وبعدين مافيه احد يوقفهم عند حدهم لان اللي حطينهم
احنا اكبار على البلد يفكرون في مصالحهم ورزتهم وروحوا البلدية وتشوفونهم كل يوم رازين اوجيهم عند رئيس البلدية ويخلصون منه وبعدين يروحون يرزون اوجيهم في المحكمة عند القضاة بس اقولك احنا السبب انا وانت واعيال ديرتنالان اذاشفناهم خليناهم يفتكرون انفسهم ملوك وسامحوني0 عيييييييييييييييييييييييييييوني لاببببببببببببببببببببببببد |
أعيان العيون وكبارها للترزز في المناسبات فقط
اما ترززهم بالبلدية والمحكمة وغيرها من الدوائر الحكومية من اجل مصالحهم الشخصية قليلين اللي يخافون على العيون |
يعني نظل ساكتين
وين اللي يهمهم مصلحة البلد ووجهة البلد والله في مناطق فيها فرق بينا وبينهم والله عندهم اشياء ماتجي على بالك . ياقلب لاتحزن |
(بسم الله الرحمن الرحيم)
(الحمدلله والصلاة والسلام على رسول الله وعلى آله وصحبه أجمعين) (مع التحية إلى أهالي مدينة العيون) السلام عليكم ورحمة الله وبركاته. وبعد. حبيت أتكلم عن تطوير مدينة العيون من جميع النواحي بشكل عام؟ ولاحظت على كبارية البلد ورجال الأعمال في العيون مايحبون التطور لمدينة العيون ولا يتكلمون مع المسؤلين بخصوص تطوير مدينة العيون. يتكلمون لمصالحهم الشخصية فقط عن بيع أراضي وأسهم وسيارات. ماعندهم غيره على مدينة العيون همهم أنفسهم نفسي نفسي. (حسبي الله ونعم الوكيل) وأفيدكم عني أنني سبق وكتبت في الجرايد من أجل تطوير مدينتنا الغالية (مدينة العيون) وبعدها جاني تحقيق وأهانوني وقالوا لي ليش رجال كبارية العيون ورجال الأعمال مايتكلمون بمطالبة مدينة العيون ليش أنت أصغرهم تكتب وتتكلم وتزعج المسؤلين. وقلت لهم كبارية العيون ورجال الأعمال ما شوف أحد منهم يطلب تطوير العيون كلهم همهم مصالحم الشخصية في بيع الأراضي والأسهم والسيارات ومحلاتهم التجارية من كل شي. ياأهل العيون إللي معي واللي ضدي كلــــــــكم تمونون وارائكم وَوجهة نظركم في محل تقديري واحترامي ، بس تمنيت أني ماأزعل أحد فيكم بكلامي وهذا مو من أخلاقي وتربيتي ومهما أختلفت الاراء لاتفسد للود قضية. هذا مجرد موضوع حبيت أناقشه مع أهل ديرتي ونتبادل الاراء فيما بيننا من غير تحيز وتنافر وياليت نكون قلب واحدآ ويد واحده ؟ وموفقين بإذن الله لكم مني أجمل تحية |
اخوي العنابي جميل ما طرحتهـ هنا لكن اتمنى منكـ و من يقراء الموضوع ان يرد برد جميل و يستحق
ان يدخل العقل و الفهم .. ربما احنا نشوف التطورات و نشوف اشياء كثيرهـ عملهـ رئيس البلديهـ الحالي .. يمكن اخر شي اعملهـ زفلتت الشوراع شارع شارع ( ما عدا الصراهـ ) وضع الاعلانات التي لم تسلم من ابناء العيون و فيهـ صور في الملتقى للوحات مكسرهـ و مهشمهـ و تستطيع ان تراها .. وضع العشب و الورود التي هي ايضا لم تسلم من شباب العيون .. قبل ان نحاسب المسئولين لابد ان نتوقف عند نقاط كثيرهـ ابرزها : هل الاشياء التي ستضعها البلديهـ ستسلم من عنفوان و طيشان الشباب العيوني .؟ |
اقتباس:
وبالنسبه لاعيال البلد لابد من المساعده يعني خلاص الى متى التخريب لازم نكبر شويه ونحترم ونقدر لانه الاساس هو مصلحة البلد ولك ولولد عمك وولد خالك وربعك ولك بعد. واذا مافي فايده لازم يكون هناك تحقيق وغرامه وسجن ويعدين يعرفون. شكرا لك |
اقتباس:
أتوقع هذا قرار من بلدية الأحساء ورئيس بلدية العيون لايستطيع نفيها يمكن تقول وضع العشب شيء بسيط نبي شيء معقول وجديد |
انا راح اكمل معكم الحوار لكن بعد ما تردون ع السؤال ..
هل الاشياء التي ستضعها البلديهـ ستسلم من عنفوان و طيشان الشباب العيوني .؟ |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون