ملتقى مدينة العيون - غ ــير خ ـط ج ــوآلـهـ ( ياليته يجيني رقم ج ـوآلهـ )

الصاحب اللي هجرني راح من بالي
وأدري برّبي بعد مانيب فـي بالـه
من عقب ماهو يدور رقم جوالـي
أصبح بعيدٍ وغيـر خـط جوالـه
لا شك زوله أشوفه دايـم إقبالـي
ولاشك قلبي يقلـب باقـي أفعالـه
بالدنيا هذي تذوق المـر والحالـي
واقسم بربي أذوق المـر بإهمالـه
أنا الصويب المتيم همّـي السالـي
وأنا الكريم المقيّد من شقا أعمالـه
قولوله إنه تـراه بعينـي الغالـي
حتى لونّـه بعيـدٍ عنّـي ودالـه
قولوله يسمع حروف بجر موالـي
قولوله حدّي وصلته ماهي بحالـه
قولوله يذكـر لقانـا أول وتالـي
يومه ينادي وأنا اللـي أتلبـا لـه
أذكربأنـه حلفلـي إنـي بلحالـي
إني بقلبه وأنا احلف إنـه إلحالـه
ياليت يرجع ويدقدق رقـم جوالـي
ولا ياليتـه يجينـي رقـم جوالـه

---------------------------------------------

للشاعر الكبير بن ع ــمي جار الله بن خ ــالد الشــدي :)