ملتقى مدينة العيون - قالتـ_أنتـ_أيـ_ناديـ_تشجعهـ

جت تبي تلعب علي مبرقعه
واقفه بين الحقيقــه والخيال

جت بلطف وذوق جت مدلعه
قالت اسمحلي عزيزي بهالسؤال

خفت انا لا انولد في الزوبعه
اخاف اقول يمين والحلوه شمال

تبتعد عني وتمشي مودعه
وتبتعد هذيك وتشد الرحال

طالعتني بالعيون الموجعه
قالت أبدأ قلت أبدي بالمقال

قالت انت اي نادي تشجعه
قلت نادي النصر وأحب الهلال

أي نادي تشجعين اشجعه
أعشق اللي تعشقينه يا خيال

قالت أي فنان ترغب تسمعه
قلت ابو نوره وميت في طلال

أي مطرب تسمعينه ابسمعه
واستمع لاحلام واقدر نوال

قالت قلي كم نص الاربعه
قلت مدري صعب بالحيل ومحال

اي رقم بطرحينه ابا اجمعه
والنتيجه حلم يا بنت الحلال

قالت تحب الربيع بمطلعه
او هوايتك الخريف اللي يقال

قلت انا اهوى الفصول الاربعه
كلها عندي سوى في أي حال

قالت اصلك قلي وشهو مرجعه
قلت انا جنوبي ومن اهل الشمال

ولي نسب شرقي ابوي موقعه
وفي الغروب اذكر لنا سابق احلال

ما خذت مني اجابه مقنعه
واستدارت كنها بدر الكمال

قالت اسمع كل هرجك معمعه
دخت انا واياك ياولد الحلال

اعجبتني ونقلتها لعيونكم