اقفت وخلتني خبل ..
 

يالله حيهم :)

ان شاء الله ماطولنا عليكم:sm113:

بدون اي مقدمات ولا شرح .. القصيده تشرح حالها ..
........


كل شاعر في قصيده يبتديها بالحروف
وفي شعوري لانويته تناثر لي جمل
والله ان اللوعات تجرف القلب والجوف
والحزن لامن لفاني انسكب ضلعي دبل
مرات احس الكئابه متصاحبه كل الظروف
ومرات اشوف ان الفرح شي ماله أمل
خذ حياتي ابسط مثال واعتبر ثم شوف
شخص ٍ كفر فيه الزمن غم واوهام وصمل
تدري اني صرت اخالط بالأمان والخوف
ماعدت اميز في حياتي وش الالم والامل
مثل الطفل يضحك ويدمع في لحظة وقوف
ثم تمايل وارتكى وطاح ثم عوّد مامل
هذي حياتي مجلسي احزانه بوسطه ضيوف
والهم في صدره جلس ولو ماعزمته زعل
تصدق بقول لك شي في قلبي يطوف
شي يمكن ماتصدقه بس هذا الي حصل
حبيت وحده ثمان سنين شالت مني الكسوف
كانت الشمس بحياتي و من طريقي والسبل
كانت الماي لوريدي كانت اجمل هالوصوف
كانت اوسع من خيالي كانت اصعب من سهل
لاحظ اني قلت كانت يعني كلمه من ألوف
والحين مدري وين راحت اقفت وخلتني خبل


.....
وسوالم جميع ..

صح السآنك واعتلآ شآنك

واللهـ يعينك

<<دخلت معك فى نفس الشعور هع


لاهنت مخآوي

,,

فسمونه ..

صح بدنك يالغلا

الي يهبل وجوك :)

الوهم

لاهان وجودك

وتسلم ع الاحساس يالغالي اسعدني احساسك :)

المشتاق

صح الله بدنك ولاهنت ع الرد ..

السلام عليكم ورحمة الله وبركاته000

قصيدتك حلوه ولكن عندي ملاحظلات اتمنى انك تتقبلها مني بكل صدر رحب الا وهي وجود كسور واضحه بالقصيده 000

فلو حاولت تلحين القصيده بأي لحن فإنه لو انطبق على بيت لم ينطبق على الآخر , او على شطر دون الآخر ...

ولكنها تحمل معاني ومفردات رائعه رغم افتقادها للوزن ,

فإن كانت من بداياتك فهي بلا شك رائعه , ولكن حاول في المرات القادمه تجاوز مثل هذه الاخطاء


واتمنى انك تقبلت نصيحة اخوك بصدر رحب , فنحن هنا ليس لـ نجامل , بل لـ نفيد ونستفيد
----------------------
ت-ح-ي-ا-ت-ي

عليكم السلام

هلا بك نايف

القصيده قديمه اشوي

واعرف ان فيه كسور كثيره

وانا ماني شاعر يالغالي .. انا الي يطلع مني احطه هنا .

عندي من الموزون كثير بس بالصدف تجي . .. بس الوزن افطنه مع الوقت ..

ملاحظاتك في محلها اخوي .. واعجبني صدقك :)

حياك وبياك يالغالي