يمــــــه دخيـــــــلك لا تخلـــــــيني
 

يمـــــــــــــــــــــه دخيلك لاتخليني




http://byfiles.storage.live.com/y1p0...emKFq-fLwWQp0s


لاقلت يمه حنان الاسم يكفيني
....................وشلون ضمت يدينك يابعد رأسي...

يمه يايمه دخيلك لاتخليني
....................محتاج قربك وحضنك يابعد ناسي...

محتاج عطفك دخيل الله ضميني
........................لاتتركيني لدنيا قلبها قاسي....

يالغاليه بشوق جيتك لاترديني
.......................جيتك وخطوات رجلي تسبق أنفاسي..

محتاجلك حيل ومحتاجك تلميني
......................من قسوة الوقت ومن تعذيبه القاسي...

أبي بعيونك عن احزاني تشيليني
....................وابي بحضنك أفارق هم وسواسي...

وأبي حنانك وكلماتك تغطيني
........................من مقدم الرجل لين اخر شعررأسي...

وأبي أحس بشعور ٍ منك يكسيني
......................عطف ومحبه وحنان ٍ دون مقياسي...

يمه كبرت وكبر هم الزمن فيني
.....................ومن لوعة الوقت قلبي عايش يقاسي...

محتاج حضنك أمانه لاتلوميني
.....................محتاج اعاود طفوله كلهاأوناسي...

برّجع الوقت وانسي اللي معنيني
......................يومي صغير وحنانك ماليءًكاسي...

يمه ذكرت الزمان الماضي بعيني
...................ماضي الطفوله السعيده وروعةإحساسي...

كم كنت أضمك وكم مره حضنتيني
.....................وكم نام راسي على صدرك وهوناسي...

وكم كنتي تبكين من فكر يبكيني
.....................وكانت عيونك فداك القلب حراسي...

وكم كانت مناك دايم بس تشوفيني
........................احلى وأنظف " طفل " بين جلاســي...

ويايمه ويايمه سهرتي لي تواسيني
......................لأونست ضيقه وزار الهم مجلاسـي...

وكم كان حضنك عن الخلان يغنيني
......................وكم كان عشقك لفرحي ماله قياسي...

الله ياذاك الزمان شقد يحيـيني
.........................ليته يعود وتعوووود أفراح وأماسي...

ياليتني ماكبرت ولاقسى ليني
......................وبقيت طفلٍ همومه لعب وأكياااسي...

يالغاليه جيت لك شوقي يقديني
.........................كبير لكن بقربك يصغرإحساااااسي...

يمه يايمه أنا ولـدك تحبيني
........................أدري وربي ولكن بقهره يــأسي...

بحطم الحزن فيني وأقهر سنيني
........................وبقول للهم "ياقلب العنى" ناسي...

بنسى عذابي بحضنك لاتهديني
........................من بعد حضنك يزيد الهم هوجاسي...

لاتتركيني وضمي يديك ليديني
..........................لمسة كفوفك تبدد قسوة أتعاسي...

أبي أعاند زماني وظلمه الشيني
...........................وأبي بقربك أرده عني الخاسـي...

ياأعز ناسي وياكل الكون في عيني
...........................ياملهمتـني المحبه وصيت نومــاسي...

يفداك عمري وروحي وكل مغليني
........................ويفداك كلي وأنا من رأسي لساسي...

ياأغلى غرام ربى داخل شراييني
......................وياأعذب شعور ٍ سكني وياأجمل إحساسي...


http://www.arabseyes.com/vb/uploaded...1179018123.jpg

ــــــــــــــــــــــــــــــــــــــــــــــــــ ــ

يفداك عمري وروحي وكل مغليني
........................ويفداك كلي وأنا من رأسي لساسي...


ابيات جدا رائعه سلمك الله لك الغاليه

الله يسلمك وبارك الله فيك أختي بسمة الجوري
ومشكوره ع التواجد الكريم منك يعطيك العافيه

آبيآت رآااائعه جدآ..

كلمة حــــق.. لك مني كل الشكر وبآنتظآر جديدك بكل شوق..

حياك الرحمن أختي نبض الامل ومشكوره ع التواجد المميز
يعطيك الف عافيه

كـآالع ـآدهـ ذووق فى آختـيآرك :) . .

تـسـلـم إيديك

ومــآننحرم ج ـديدك

,,

أبيات أكثر من رائعة .. هل هي من كتاباتك ؟؟

بارك الله فيك