ملتقى مدينة العيون - أنصحك لاتستفز اللي..طبع قلبه طبع فزاارة"

فزاره : اسم من اسماء انثى النمر

لاتخلي الصد مجدافك..واتعدى لجة بحوري
............ لاتفارق خافقي وترد..تشتكي هالوقت وأقداره

لاتحسب الحب تمثال ٍ..واتوهم حب اسطوري
............ تعتقد بوقف على بابك..ولرضاك آعزف قيثاره

المحبه نهجها واضح..عطرها ذنان كالجوري
............ لاتحيرني معك كافي..العقل ضيعت أفكاره

خلني رايق ومتناسي..مذهل العذال بحضوري
............ والذي مايعجبه طبعي..يرتحل ويعود لدياره

الهوى مايعرفه جاهل..ولايساير طيش مغروري
........... والمحب المخلص الوافي..حافظ ٍ فالقلب أسراره

لوقصدت تلاعب احساسي..تختبر بغيابك شعوري
.......... أنصحك لاتستفز اللي..طبع قلبه طبع فزاره

العرب ماترتضي ذل..ولاتعيش بواهن الدوري
...........المعزه فدمنا تجري..ماخذة فالعز انا شاره

خذ قرار ولاتمانيني.بالوصل وتباعد شهوري
........... ياتواصلني في هاللحظه..ياتغيب العمر بكبارة

نآاالت إعجابي..~