ملتقى مدينة العيون - آآهـ يا كبر القهر لا صار ما باليد حيله..

آآهـ يا كبر القهر لا صار ما باليد حيله..
والجروح من((القرايب)) والخطا مني وفيني!!

ان نويت اشفي غليلي ما لقيت اية وسـيلهـ ..
كيف ابلقى دام جرحــي سبته طعنه يميني؟!

وان نوت تبكي عيوني صارت(( الدمعة)) بخيله!!
.. كبرها لامن تجمـــع هم قلبـــي وهم عيــني..

ياهمـــوماً بي تعدت حدهـا صارت ثقيلــهـ
اخذي مني كم ســؤال ولو سمــحتي جاوبيني..

ليه من بعد ((الوفاء والطيب)) وفعولاً جليلهـ ..
من يدين اللي حشمتهـ اول طعـــوني تجيني؟؟

وليه لاضاق الفضــا في عيــن من خانه دخيلهـ ..
مالقيت الا (( الملامهـ)) انتهيها وتبديني؟!

ياهمومي ياجــروحي يا صدى الروح العليلهـ ..
والله ان الـــظــلم قهره قيّد لسانـــي ويديني!!

يوم قيل ناظر حسودك زاد في قوله وقيلهـ ..
ما طــرالي غير قولت آآآخ يا دنيــا ارحميني..

ان تكلمت وحـــكيت وجبت برهاني ودليلهـ ..
ما تضــرر كود منهو قد لفانــي منتخيني!!

وان سكــت وقلت هانــت هــم وسنيني تزيلهـ ..
اكتشفت ان ((السنين)) تزول والهم محتويني!!

بس لجــل اللي انتخى في جد جــدي والقبيلهـ ..
والله اني لاشــرب المــر واتحــمل ما يجيني..

ودام ما بالكــون ((صدراً)) ارتمي به واشتكــيلهـ ..
ودام مابــه عين تقـــرى حزني اللي مبتليني!!

ما لي الا بيت شـــعراً اذكــره في كل ليلهـ ..
لا انتهى جـــدال المعاتــب بين قلبي وبين عيني .

منقول