على ضـيـق المعـيـشه جيت ادور مكمـن العـــله=
وافتش في خفــا عصـر ٍ عن اللي ضيـق الجـاله=
بديت وكـنـي المـعـنـي عـلـى جـمــر الشقـــا دله=
تقهـوينـي تـسـليــنـي عـــن الماضـي وزلــــزاله=
لهـيت بفكــري المـحـبـط اعــانق للضحـى ظــله=
وسـكـنـت بـزاويـة حـلــم ٍ بـه الاضـــلاع ميــاله=
ولاني للــردى شـــاره عــليــه اوضـــاع مختــله=
بســــولـف دامها حــروفٍ عـمــود وتكتــــبه آله=
رسمــت الوضـع كالتـالي بريشــة من فقــد خـله=
نسى لون الزهر واضحى الاسود صبغــة اعمـاله=
لقـــيت النـــاس اكـثـرها تـفـــوح الســـم وتـزلـه=
وتنفــخ فــي مواجعهــا لو إن هي مــاهي بهــاله=
لقيت النــاس معظمهــا تصيــح وتشتـكي القـــله=
رمـت دايـم مشــاكلـها عـلى وقت ٍ جـفــا عيـــاله=
لقـــيت الـنـــاس اطيـبـــها تـبـيـح العـــز وتحــله=
تـغــنـي يا زمــن ويـنــك تركت الحــال لاحـــواله=
لقـــيت النــاس في حــاله مع الاوضــاع في غـله=
شكت جوع وشكت ضيق وشكت فقر وشكت فاله=
لقــيت النـــاس وهـمـــــوم ٍعـلـيـها دوم محتـــله=
تداعبهــا الطعــــون اللي توصي الضيق لاجيـاله=
لـقـيـت النــــاس مافـيـهـم شكى ذنب وشكـى زله=
ولا فـيـهــم شــكــى حــــالـه مـــع ربـــه واهماله=
اعــــرف الله منــصـفــنا عـظـيــم ومــرزق المله=
عـلينــا جـــاريٍ امـــره وعفــوه ســابق اهــواله=
وانـا يـاهـــــاجــس الدنيـــا اعــدك اطـيـب الـذله=
واشـوف انك بري ذمه من اللي يشتــكي القــاله=
ونا ماني مثل غيري جمعــت البيـــض في سـله=
ولاني من شكى ضيقــه ولاني من ذبــح خـــاله=
انا مـثـل العـريـب اللي خصـــاله ما تجـــي قـله=
يمــوت من الظما لكن حــــــرام ما يجي عـــاله=

اعــــرف الله منــصـفــنا عـظـيــم ومــرزق المله
................... عـلينــا جـــاريٍ امـــره وعفــوه ســابق اهــواله
أمنت بالله رباً وحاكماً وعادلاً ليس كمثلة شيء وهو السميع العليم
صح لسانك اخوي سعود الدولة
وبارك ربي فيك
على هذه القصيدة الرائعه