ملتقى مدينة العيون

خبزه تـمشى في نواحي المديـنـه = شـافـت لـها بـيـن المخاليق خبـاز

قـالـت عـلامي وقت الاول متينه = والـوزن زايـد والطعم حيل ممتاز

عـلى جذوع النخل ناري لسيـنه = واليـوم مخبـوزه عـلى شبّــة الغـاز

حـالي تـراها ياجـماعة غبـينه = مـا أشبـع مـن النـاس يابوي معتاز

سالت دموعه من حـرارة حنـينه = لايّــام زيـــنــه لوبـها صار لـعـواز

يبكي على الذكرى بماضي سنينه = كنّــه يـهــزّه لاجـمل الـوقت هزّاز

قال اسـمـعي مني مشاعر دفيـنه = قـلـبي لوقـت(ن) فات يابنـت منحاز

ماهـو زمـانك ذا ترى اللي تبينه = هـذا زمـان البـوق واللـص يـجتـاز