|
الى المدرسة الرابعة في الصراة
السلام عليكم ورحمه الله وبركاته
الى بعض المعلمات في المدرسة الرابعة في الصراة بعض المعلمات في المدرسة الرابعة في الصراة يتلفظون على الطالبات ياغبية ياقليلة الادب ويهزؤون في الطالبات ,وفي معلمة (دين) ومعلمة(اجتماعيات) يهزؤن الطالبات ويتوعدون فيهم وتقول لها والله ماقيمك في الاختبار . وفي معلمة حطة دوبه دوب طالبة والطالبة تشتكي لأمها عدة مرات والام ماتبي تسوي مشاكل مع المدرسة والبنت كل تقول لامها ماابغى اروح المدرسة .سألت الام بنتها ليش؟لأن المعلمة تهزءه وتقول لها ياقليلة الادب والله مااقيمك في الاختبار وتتوعد فيها,وتقول لها لاضربك ساطر يطيحك من الكرسي قالت الام لبنتها انت سويتي شيء ردت البنت وقالت فيه بنت ضحكت وانا والطالبات ضحكن عاد المعلمة قالت لي ليش انتي تضحكين ردت الطالبة البنات اضحكوا وانا ضحكت معهم ردت المعلمة بس انتي اللي ضحكتي. ومعلمة الاجتماعيات :تفضل طالبة عل طالبة وتمنع الطالبات عزكم الله يرحون دورة المياه وكل ترفع صوتها على الطالبات ملاحظه هامة: اذا الطالبات رحوا المدرسة متأخرين تقول لهم المديرة ليش تتأخرون .البنات يردون الباص تأخر علينا ترد عليهم المديرة كذابين (اجل تبين الطالبات يمشون يامديرة)؟ واذا البنات يبغون يرحون اعزكم الله دورة المياة يقولون لهم المعلمات ماترحون دورة المياه واذا اشتكت الطالبة علة طالبه ثانية يمشون مع الطالبه المخطئه (كل معلمة تظلم الطالبات ان شا الله ينظلمون اعيالها) وبعض المعلمات يحبطون من معنويات الطالبات يقولون لهم اذا خلصتوا دراسة مردكم بتجلسون في البيت . والله بعض الطالبات كل يبغون يغيبون عن المدرسة والسبب سوء معاملة بعض المعلمات لهم وبعض المديرات يمشون مع المعلمات ضد الطالبات الله ياعز أبو متعب ويطول في عمره انتواتعلمون البنات ولاتذلونهم (إذا دعتك قدرتك على ظلم الناس فتذكر قدرة الله عليك) (إذا دعتك قدرتك على ظلم الناس فتذكر قدرة الله عليك) تقول لكم بعض الامهات جربوا ومدوا ايدينكم على بناتهم. حسبي الله ونعم الوكيل حسبي الله ونعم الوكيل حسبي الله ونعم الوكيل |
حسبي الله ونعم الوكيل
كثير من المدارس واغلب مدارس العيون اسمع واشوف يصير فيها كذاا طيب اذا انتي مو قد المسؤوليه وماتقدرين تتحملين ضغط التدريس لاتدرسين هذي اماااااانه امااانه .. واذا اشتكينا او كلمنا المعلمه حطت اللوم على الطالبه ، فيه اسلوب و كلام ايجابي غير التهديد و التوعد وربي البنت لو وش مسويه بتستحي وبتصير مثاليه بالنهايه محد متضرر الا الطالبه الله يعين الجميع |
التعليم رسالة سامية لكن للأسف بعض المعلمات تنفش ريشها بسبب الراتب ..
والكلمات المحبطة والنعت بالألفاظ الجارحة سب وقذف يجب أن تحاسب عليه المعلمة والسكوت عن هذا مسبة ونقصان . كيف أسمح لمعلمة أن تحطم نفسية برعم بدأيظهر وينمو ؟ إن الكلمات المحبطة تعيق الطموح , وتتركز زتثبت في عقلية ونفسية الطالبة وتترك ذكرى سيئة .. لأن الأسى لا ينتسى . كم من معلم ومعلمة بنو طموح !!! فأنا لا انسى معلميني الذين زرعوا فيني حب العلم والطموح , ولا أنسى معلميني الذين كادوا أن ينسفوا طموحي لولا ثقتي با الله ثم بنفسي . أتقوا الله في بناتنا وأنتن أيتهن الطالبات أنتبهوا أثناء الدرس وفي النهاية الإحترام مطلوب بين الطرفين .. يجب على المعلمة إحترام الطالبات . ويجب على الطالبات إحترام المعلمات . وفاعلة خير أن كانت ولية إحدى الطالبات أقول لها ما يصح إلا الصحيح وحسيت الصدق والمعاناة من بين ثنايا السطور وأظنك خجولة لا تستطيعين مواجهة المعلمات لكن وضحي وجهة نظرك وشكواك للمديرة والمعلمات ولا تخجلي من الحق . وفق الله الجميع . ا |
أنصحك أخيتي أن تذهبي للمدرسة وواجهي الامر وجه لوجه أو كلمي المرشدة الطلابية مباشرة وحددي المعلمات واذا لم تلقي فائدة توجهي لإدارة التوجية والله يعينك ويساعدك مع بنتك على المدرسة |
انا اتوقع حل مشكلتك عند ادارة المدرسه مو هنا ويجماعه المسئله ان الاخت خصت مدرسات بعينهم يعني لاحد يتكلم الا اذا هو متاكد من صحة الكلام قال تعالى : {يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }
|
أنا مرت علي حالات مثل كذا ..
ماينفع وياهم إلا خطاب شكوى عريضة بالرئاسة .. لاتنسوا الحساب يوم الحساب .. |
اقتباس:
وماهنا دخان من غير نار .. الله يهدي الجميع .. |
الله يعين الطالبات ع المعلمات قصص كثيره لاتحصى ولاتعد ............ اخذن العظه والعبره ........
خاصه لو كان الطالبات من المرحله الابتدائيه فهولا ء لاحول ولاقوه لهم فيجب عليهم التعاامل معهم المعامله الحسنه اما بالنسبه للامهات فالله يكون فى عونهم لان الامهات لايعرفون كيف يتصرفون فالام تسمع من بناته والمعلمات عليهم الالتزام وهم مسوولين عن ذلك امام رب العالمين طيب من ناحيه التقييم هناك قوانين عليك الالتزام به لافرق بين طالبه وطالبه .....المفاضله ........ التفريقه ....... ماهذاااااا .......... من ناحيه الذهاب الى دوره المياه هنا اقف وقفه مهمه يجب عليكم حين تستئذن منكم الطالبات الذهاب الى دوره المياه الاذان لهن لانه حاجه مهمه فاتقين الله في انفسكم من ناحيه الامهات ليس الكثير له القدره الذهاب الى المدرسه ......بعضهن لا تستطيع ذلك بسبب الظروف المحيطه بهن ............ونضع الف سبب وسبب كلمه اخيره ........ اتقين الله ي معلمات في الطالبات |
الاخت الشاكية لاتذهبي لادارة المدرسة لانهم لن يفيدونك اذهبي لمكتب التربية والتعليم بالمبرز للبنات
وتقدمي بشكوا رسمية خاصة ان مدرسة الدين سبق وان قدم عليها شكاوي ولم تتعظ |
| الساعة الآن 12:45 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون