|
رسالة من واتساب
رسالة من واتساب
أنا وتــسـاب ياللي تـدهلون النت سمعـوني = أنا بـرنـامـجٍ فيني رسالات اجتـمـاعيّـه أنا باشـرح لكم حـالي ألا ياللي تعـذلـوني = أنـا مالي عـقـل واعـمالـكم فيني خيـاليـّه أنا للخير اوصّل كان لاجل الخير تبغوني = واوصّـل شـرّكم كـلّه والافـلام الاباحيّـه بـذور الشر منكم والبـلا وانتــوا بـليتـوني = تحبّــون الفتـن واعــمالكم فيـها عدائـيّـه أنا مـتـصدّرٍ كـل البـرامج حـقّ شـوفـوني = صباحٍ والظهر والليل في وقت المسائيّه أنا رمز التواصل بس ما ابغاكم تعبـدوني = حويت الشعر واخبـار وتعابير ارتجاليّه أبي وقت القيادة لي مسكتوا الخط تنسوني = تروح ارواحـكم باهمال مافيها احتماليّه عسى ماتـبصرون الشـر بعيشتكم تهنّـوني = تعيـشون الهنا ياذا البشر بالعمر حـاليـّه وترجع لـمـة العيــله ومن بالخير يثـنـوني = ألا يـازيـنــها لـمّـه تـغطّـيـها الجـماليـّه شعر /عبداللطيف سعد أحمد العلي الفضلي حررت في يوم الأحد الموافق 11/3/1435هـ |
صح لسانك يابوشميس
الواتساب له اهميه كبيره وخيره يعادل شره والصح هو ان الخير للمستخدم والشر للمستخدم |
صح بدنك يالغالي
الواتس مجرد برنامج خدم الناس خدمات لاتوصف وجعل من التواصل أسهل وأسرع ولكن المشكلة في الاستخدام الخاطيء مشكور على المرور ولك مني أجمل تحية |
الفضلي كيف حالك يا بو سعد ؟ كلامك صح موزون البحر والهرج موزوني /// عن البرنامج اللي يحمل المرسول في طـيّه وسيلة طـيبة للوصل واهـل العرف يدروني /// وكل ٍ بالعـقـــل فـيــما يريــده يركـــب النية تحياتي وتقديري = |
*
صَح لسآنك ولآهنت شآعرنآ الفَضْلِي الوآتس آب وَسيلَة جيّدة للتّوآصل لِمن يُحسن استخدآمه لكِنْ بوجوده قَلّ استخدآم الإتّصآل الصّوتِي في السّؤال وقضآء الحَوآئِج. |
ابو اشرف شاعر الجيلين
يسعدني مرورك صح بدنك ومشكور على البيتين |
قالوا علامك
هلا بك ملايين صح بدنك وكلك وزانت القصيدة بمرورك لكي مني أجمل وأعذب تحية |
،،
صح لسانكـ واعتلى شانكـ على هالقصيدة الطيبه ،، الواتس اب من وسائل التواصل الاجتماعي ممكن عند البعض اغنتهم عن التواصل الفعلي والمباشر والواتس له مردود جيد وله مردود سيء والمستخدم هو من يحدد جمالية حياته وعفويتها أو العكس |
عذبه
صح بدنك ومرورك أجمل من القصيده شكرا على إضفاء عذوبه عليها لكي وري وتقديري |
| الساعة الآن 07:26 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
new notificatio by 9adq_ala7sas
ملتقى مدينة العيون