ملتقى مدينة العيون

زمن اليوم

ماأكثر أصحاب الرخاء هات عطني
وأن شحت اليمنى حشا مايبينون

وقت الرخاء يمك بلابل تغني
ووقت الشدايد عن محلك يشدون

هذا زمان اليوم أن جاد ظني
فيه مصلحه ولاجبانه يصدون

يبون مايعطون والرد مني
اسأل مجرب واترك اللي يقولون

بالك من اللي في أقبالك يهني
يقتل ويدفن مع اللي يدفنون

اللاش لاش بالحشاء لك يكني
مايصدق العاقل حبايب يخونون

لاتغرك الرزه ولاخضاب فني
ولاالسراب اللي على بعد له لون

من يبغي الطوله غرسه يسني
فاللي على فعل الجمايل يلبون

الطيب لاهل الطيب انشد وغني
وبادل الطيب على قول ممنون

لعل من يجحد بفراشه يوني
يذوق ماذاقه أميه وفرعون

الشاعر: سعود بن احمد العواد