وش حيلتي
وش حيلتي
وش حيلتي باللي جرالي والأقدار***مالي على سر المقادير قوه مكتوب لي ضمن المحبين تذكار***مثلي مثل غيري تخطاه سوه حكم القدر صايب وأنااليوم صبار***والصبر مفتاح الفرج والمروه صابر عسى عقب الصبر يلفي الدار***يطفي عذابي يطفي النار نوه يفتح إشاره للسعاده والأخبار***تسر قلبي والخبر شاع توه لولا المحبه والمحبين ماصار***قول القصايد والشعر والفتوه ياماكتبت من القصايد والأشعار***أسباب من في القلب مشعال ضوه كم عاشق جهز رحيله للأسفار***يبحث عن الراحه تهاليل جوه جو السعاده والهنا بين الأشجار***خضره على سفح النهر في علوه الحب فيه عفه وشيمه ومقدار***سنه لأبن آدم وأولاد حوه الشاعر/ سعود بن احمد العواد |
الساعة الآن 10:07 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون