ملتقى مدينة العيون

نهر السراب

لاتقيدني على نهر السراب ** يبست ريقي لواهيب السموم

لاتعذبني وأنا قلبي مصاب ** أرهقت روحي سراميد الهموم

حالتي حاله وأنا فكري غياب ** وأكبر همي عواذيلي تلوم

مادرا عن داخلي راعي العتاب ** كان شعاع الشمس بين بالغيوم

لايمي لاتلوم لاتحسب احساب ** خل جريح القلب في بحره يهوم

لاذكرت أول يصير الاكتئاب ** في ضميري مايبيع اللي يسوم

في حشاي مغروس من سن الشباب ** بدر في غلس الليالي والنجوم

وين طفولتنا مع جيه وذهاب ** في ليال الأمس زينات العلوم

الشاعر: سعود بن احمد العواد