الفقر والضعف
 

الفقر والضعف

الفقر والضعف لايمكن يعيب
مايعيب اللي يقدم مرزقه

فاتح قلبه لكل صاحب حبيب
والقريب والجار عن نفسه مافرقه

حامد الله دوم ذكره مايغيب
والشكر والحمد بالسانه لصقه

اسألك يارب لدعواتي تجيب
تعطي الجنه وخيرك تشرقه

اسألك يااللي على الامه رقيب
تفرج لعبدك من ضيقه تعتقه

أطلب اللي من طلب منه قريب
يخلص النيه لواحد خالقه

من عرف ربه حقيقه مايخيب
من سلك نور الهدايه وفقه

والاهم من ذا وذاك ثنتين تجيب
بالسحر والناس في اسبات غريقه

قبل مايذن والعالم رسيب
وانت جعلت النفس باذكاره عليقه

راكع وساجد مع والي حسيب
للفضا والبر وابحور عميقه

الشاعر: سعود بن احمد العواد

صح ألسانك
صدقت ياشاعرنا
اشعارك قمه في الذوق والحس العذب
شاعر شامل ماشاء الله عليك
الله يخليك ويطول بعمرك ويكثر من أمثالك
الساحه الشعريه محتاجة لك ولشرواك
ونطمع بالمزيد من ابداعك

صح بدنك هذا من طيب اصلك واشكر شعورك الطيب ولاهانو الشعراء