|
صورافتتاح نادي الحي ب مدينة العيون
|
1
2 3 4 10 14 قاعد أعد الحضور أعدهم عشان أعرف كم واحد جاء وماحد بيجي إلا لما تقدم له دعوة عني أنا أقول ماتم دعوته إلا هالكم واحد اللي بالصورة ماقول فيهم شي والله والنعم فيهم وهم حاضرين لكل حدث يخدم العيون إنما الحدث يخص شباب العيون نادي الحي شي جديد على المجتمع العيوني وهو مخصص للطلاب ( والطالبات في القسم النسائي ) فليه مايتم دعوة أولياء الأمور للحضور أكيد بيجي شخص ويقول بيتم دعوتهم والتكرم بشرح كل شي عن النادي وأقول كان لازم جدا دعوتهم في حفل الإفتتاح عشان يشوفون ويلمسون كم هو مهم هذا النادي وما تقدمه الحكومة له تواجد شخصية إعتبارية تمثل الحكومة مهم جدا تواجد أولياء الطلبة بصراحة أما بالنسبة لنادي الحي إن شاء الله راح يكون حسب ماخطط له وأن يكون مرفق مهم للطلبة لإكتساب كل شي مفيد من علم وعمل |
ههههههه اتفق معك اخي بوطلال
انا وانت واولياء الامور مالنا نصيب لاحظ الصور هم لايتغيرون في جميع المناسبات كل واحد يدعو الاخر في مناسبته والامر الاخر لاتعتقد اخي ابوطلال ان تتم دعوة احد في أي مناسبة غير هولاء الصور مكررة ليه تبي المسئول يقول شاركت هم يبون المسئول يشوفهم ويقول هم الابطال واقسم بالله ان البلد ماتستفيد منهم وحتى المصورين مع احترامي لهم يصورون اللي يبون ويتركون اللي مايبون وبصراحة انا بالنسبة لي مليت من الحركات شيلني وشيلك رزني ورزك ملاحظة يقولون الدعوات لناس معينين وترى من فلوس نادي الحي والعشاء على حساب سعد الشدي والمستفيد اصحاب الدعوات يعني ولي الامر مع انه هو الاساس بوجود اولاده سبب نجاح النادي |
بجد شي مو غريب على رعاة أي مناسبة تخص المجتمع العيوني خصوصا بما يتعلق بالشأن التعليمي والشأن الإجتماعي في العيون
مانشوف إلا أناس معينين ومعروفين بتلبيتهم لكل دعوة تصلهم ويشاركون في حفل أي مناسبة تخدم العيون ولو تبوني أعدهم بالإسم والله أعدهم الرعاة ومسؤلين أي مشروع في العيون مايبون وجع الراس ويتصلون أو يزورون أو يرسلون خطابات ليدعون كل اللي لهم حق في التواجد ماعليهم إلا الإتصال على ثلاثة وهم يتكفلون بالباقي نادي الحي وعلى حسب معرفتي أنا بالقائمين عليه أحكم أنه في البداية بينجح وبيكون ذا شأن لكن بعدين يبدأ في ظهور الإخفاقات والتراجع ومن الحين أقول ليه لأنه واضح جدا الآن الكل يعمل ونشيط في العمل لكن يبدأ التكاسل من البعض وتكاسلهم سببه عدم المحاسبة وعدم المحاسبة جاي من أن العمل مستمر والإستمرارية جاية من بعض الإخوة اللي مايقبلون الكسل ودايم في نشاط وعمل دؤوب والكسلانين لاقينها فرصة فيهم والمسؤول يشوف الشغل ماشي فلايدقق ولايحاسب إلا بعد الإخفاق حتى لو جاء الإخفاق جاء الترقيع ومحاسبة اللي مالهم دعوة بالسالفة وبذكركم بعدين أنه كلام واقع لامحالة حتى وإن حذرت وبينت إلا أنه بيصير وبيتم ربعنا ونعرفهم زين وإن نجح بينجح بسبب تواجد أشخاص لهم الحظ الوافر من النشاط وأعرف أن تواجدهم مهم جدا جدا جدا وهم معروفين وينعدون على أصابع اليد ههههههههههههههههههههههه كأني هذرت واجد عيوني للأبد هو السبب أشعل الفتيل ههههههههههههه |
كل الشكر لكم على المرور الكريم اللي شرف صفحتي همي خدمة اهل العيون والله على مااقول شهيد |
رايتك بيضا يامهنا ربي يحفظك
|
| الساعة الآن 09:26 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
new notificatio by 9adq_ala7sas
ملتقى مدينة العيون