ملتقى مدينة العيون

مكتوب رسمي

ياللي خذيت القلب قوة وقفيت
احسن ترده لا تطالب ابدمي

حرام من حبك لموته تبنيت
خططت لين اسقيتني كاس سمي

ياليت ربي لدني منك ياليت
ياليت ماشفتك ولا شلت همي

مكتوب قلبي يبتلي يوم انا جيت
في حارة اللي للمعاليق خمي

لمحت خده بارق البرق ظنيت
والا قمر خمسة عشر تو زمي

مالوم قلبي لو تهيض وغنيت
ما لامني من يسمع الصوت يمي

ياللي تروح لريش العين في البيت
رسالتي للزين مكتوب رسمي

وأخذ الخبر وان جبت لي ماتمنيت
أبشارتك قدرك على الرأس عمي

كلمه تفرحني اذا أصبحت وأمسيت
ترد روحي لو هرج قال سمي

واختامها على النبي دوم صليت
وان قعدت او قمت ذكر الله تسمي

الشاعر/سعود بن احمد العواد