ملتقى مدينة العيون - القريب الموت

القريب الموت

القريب اليوم أشد من العدو
لا تحطه بالحضن يقضي عليك

القريب الموت عنوانه هدو
ضربته توجع ولد أمك وأبيك

أحذر اخطار الاخو قبل العدو
والصديق اللي على الفجه يجيك

الحضر قالو وقالوها البدو
القريب مثل الجرب لا يبتليك

بالمثل يشبه دخان القدو
يهري الشريان والعرق السميك

ماعرف معروف نكار النمو
ياخذ المعروف عقبه مايبيك

لو عطيته دوم وأخرته سهو
ماغسلك ماي البحر يزعل عليك

لو صرفت ألكوك واسقيته حلو
مايبين في عيونه هات فيك

النذل دايم نذل دود او سرو
دوده المصران دايم تكتويك

بالك الانذال وقريب عضو
الكلاب تاكل ماتجمع ايديك

لاتظن الكلب ماينقض وضو
الخطر لا جاع يتسلط عليك

ناكر المعروف مايقول العفو
يجحدك مره او مره يغتبيك

الحقيقه قلتها بحرف النحو
قلتها ناصح قبل بقعى تجيك

الشاعر/سعود بن احمد العواد