[عَذْبَھْہّ]

تفضل اخوي سعود طلبك لاهنت ..


ياسعـود لـو المسـألـه كلـهـا لــي
ماجيت لكـ.. عاني من البعـد ياسعـود
ياسعود جيـت بعلـم .. والعلـم جالـي
من مصـدر ٍ موثـوق ماهـوب مفقـود
الظلـم والبهـتـان يـابـن الحـلالـي
خلاّ الليال البيض .. في حسبـت السـود
ماكـل قـوة ٍ يابـن بــادي حـلالـي
ولامـن حـلال النـاس ياصاحبـي فـود
مانتـه بجاهـل فـي علـوم الرجـالـي
ومن لاحفظ نفسـه مـن الظلـم مقـرود
وانا اعرف انكـ.. رجل .. فاهم .. مثالي
تمشي بمبدى الطيـب .. مافيـك منقـود
والحـر يسكـن فـوق روس الجبـالـي
واليـوم مابـه زود لـو يطلـب الـزود
الوقـت متقلـب علـى كــل حـالـي
والنار .. والدخان .. تنبـع مـن العـود
ياسعـود جاوبنـي ..وهــذا سـؤالـي
كيف يتجـراء .. يظلـم سعـود مسعـود
ياكبـرهـا ياسـعـود تــال الليـالـي
بهتان .. والبهتـان .. ماهـوب محمـود
يـوم الحقيقـه .. صـار فيهـا جدالـي
ماني بساكـت .. ليـن احـدد لهاحـدود
واطهّـر البقـعـه .. و ادوّن مقـالـي
والزوبعه .. تطلع لنـا سهـود ومهـود
والشكـ.. مابه شكـ.. والشكـ.. زالـي
وراع الحكـي حكيـه مـن الآن مـردود
تمـت بـذكـر الله عـزيـز الجـلالـي
واقبل تحياتـي مـن القلـب .. ياسعـود

الفرح ..