[خلجاوي غيور]

البقية

==========================================

قال انا عندي لك عرض زين اثناء تحضيرك للماجستير راح نعينك معيد بالجامعه لان حنا فعلا محتاجين لها التخصص.....يوم فكرت فيها فضلت اني احضر الماجستير بس بدون التدريس لان دخل التدريس اقل بكثير من الوظيفه اللي لازلت مواضب عليها وانا فعلا محتاج جدا للماده خصوصا في ها الفتره......بلغت المرشد بقراري وحاول فيني بس بدون فايده ويوم شافني مصمم قال طيب انا عندي لك نصيحه ليش ما تكمل الماجستير في جامعه ثانيه لان كل ما كانت درجات تعليمك متعدده ومصادرها متنوعه كل ما كانت اقوى بالنسبه لمستواك التعليمي والمستقبلي ....قلت له طيب وش افضل جامعه ممكن ادرس فيها بدون ما اطلع من اوكلاهوما (على شان الوظيفه..!)....وهل القبول فيها سهل ....قال فيه جامعة اوكلاهوما والقبول بالنسبه لشخص زيك سهل جدا.......المهم سجلت في ها الجامعه وخلصت الماجستير في سنه وحده بس وتخرجت بمرتبة الشرف الاولى والحمدلله......عرضوا على في ها الجامعه اغراءات ما تتخيلونها على شان اواصل الدكتوراه وانظم لهيئة التدريس ومن ضمن هاالاغراءات كانت الجنسيه.....رفضت بدون تفكير ورجعت للسعوديه......وانا الحين موظف في شركه كبيره في العاصمه ومرتاح وسعيد في حياتي وما عندي اي مشاكل.....وبعد حوالي سنه من رجعتي التحقت بجامعة
الملك سعود في الرياض وقاعد الحين احضر ماجستير ثاني في ادارة الاعمال .....وعلى فكره اخواتي واخواني افضل الشهادات العلميه هي اللي تجمع الجانبين العلمي والاداري واي واحد فيكم تتاح له الفرصه لا يفوتها..........هذي تقريبا نهاية ها اليوميات اللي عشتها معكم مع العلم اني ما اهملت الجانب الخاص من حياتي انا من عشاق القراءه الحره في اي موضوع وباي طريقه.......ليس لشي وانما لمجرد الاحساس بالوجود في هذا الكون ومحاولة خلق انسان مفيد لنفسي وللمجتمع اللي حولي.......مع هذا كله لازلت بدوي...بدوي....بدوي واقولها بكل فخر وشرف وعظمه.......ارجو اني من خلال ها الرحله السريعه في حياتي خلقت في
مذكراتكم وفي ذاكرتكم انسان قد تعتبرونه مكافح .....او خدمته الظروف......وقد يكون متمرد في بعض الاحيان ...... والله العظيم ان الايام اللي قضيتها معكم وبين ردودكم اللي كنت اقراها حرف حرف انها من اجمل ايام العمر وبالنسبه لي راح اسطرها بخطوط من الماس في دفاتر الذكريات التي مكمنها العقل وليس الكومبيوتر او الاوراق......اسف جدا اذا كنت قد ذكرت شي اغضب احدكم او حتى لم يتناسب مع ميوله
اسف جدا اذا كنت اهملت الرد على اي تساءل او فكره اواقتراح صدر من احدكم......اسف جدا لاني سوف اترككم ولكن بالطبع لن انساكم فارجوا ان تذكروني.......راعي بداوه انسان بسيط ليس من اذكى الناس ولا انجحهم ولا اكثرهم كفاح او مواجهه للظروف......انا متاكد ان هناك الكثير اللي واجهوا وكافحوا اكثر بكثير مني ولكن الظروف ومجريات الحياه لها دورها ولها تأثيرها المختلف على كل انسان.......
انا منكم وفيكم واي واحد منكم عنده خاطره او اقتراح او نقد او استفسار او حتى يحب يفضفض ارجوه انه ما يبخل به على اخوه اللي مهما وصل ومهما كبر لازال واحد من الناس.....في نفس الوقت انا مستعد لمساعدة اي وحده/واحد منكم باي طريقه اقدر عليها فرجاءا اي شخص محتاج اي شي لا يرده الا (كومبيوتره) وهو بالطبع يعتبر لسانه..............

==========================================

النهاية


اتمنى القى الردود منكم وحابة اشوف تعليقاتكم على القصة

مشكوووور اخوي مووت المشاعر على متابعتك للقصة منذ البداية ..