[نانا]

عصافير الحب كلاها هايش البعد

وقلب الحمامه يكفخ كما جنحانها

الشوق ياخلي روح مع طاري الود

والمشاعر برد الجفا يبس دمااانها

المحبه بلا وصل مثل سيفآ بلا غمد

يطعن اليمنى اللي به يرتفع شانها

روح العاشق مثل بسااااتين الورد

لاأبطى عليها المطر تموت أغصانها

وأنت ياغناتي جاااازلك طول الصد

وبسمتي ذابت في وسط أحزااااانها

منتب قريب من عيوني واليد باليد

ولا من فرقاك عيني سيلت وديااانها

أنت الحاضر الغايب والرضا والعند

وأنا الغريبه اللي ضيعت أوطاااانها

ماأقفيت بياع ولاجيتني على العهد

والنيه تاهت بين حكيك وعصيااانها

ودك ولا ودك تواااااجه ساعة الجد

تخاف ترسم الثقه وتخذلك اللوانها

حايرآ مابين رغباااتك ياراعي السد

حكيم لكن تجهل المحبه وميزااانها

صحيح كاسب الطيب ومعرب الجد

لكن عذروبك دم الظنون وشريانها

ما قدرت تميز مابين الوفاااا والضد

تخلط بين الأصيله والكديش بعنانها

وش يكون الحب دون العطا والرد

ماكنها إلا بيوتآ سافروا عنها سكانها

جدران وسقوف وأبواااب مالها عد

يرعبها الجفا ودار العناكب جدرانها

قلي بربك هل لي في فؤاااادك ود

والا المحبه سجينه وظنك سجااااانها

متى ناوي بالوصااال تحااارب البعد

أخاف تبطي والأعمار نجهل أوانها

مابين لحظات ودقايق ينادينا اللحد

وبغفله وبغته تودع الروح جثمانها

حينها ياشقاااي وشهو حصاد الصد

لا غابت أرواااح كنا في يوم خلانها

لاينفع ندم ودموع ولاحزن ولازهد

نعيش ونفوسنا شايله ذكرى أحزانها




أتمنى تعجبكم