[شَ ـآعُ ـٌر ٍ مُـً ِش‘ـًآعٌ َـْر ِ]

السلام عليكم .


عندما تجد من يتناول كل هم من همومك ويشاطرك احزانك وافراحك

لكن فجأه تجده يصرخ بوجهك ( لاعاد تذكر لي احد )

تجد الحروف وقتها معدومه وتجد لسانك انعقد مليون عقده

قصيده كتبتها من موقف حصل لي .. ياليت تعجبكم .


.............................


وش تعني دمعة الرجال لاطاحت قهر وهموم؟

محد ٍ مسح دمعي بثوبه يوم اني ذرفته

غلطان يومي فتحت القلب حب وشقى وعلوم

سمح لي بسرد الكلام وطال الي ماطلته

يومه تملل وجّه طعونه سيف وخنجر ٍ مسموم

لا عاد تذكر لي زمان ٍ فات قد عشته

ليت المسافه وقتها طالت وابعد من اليوم

لكنها لحظة تخاتل بالحروف وماتخيلته

وش عقب جرح ٍ يهدني ويحدني على اللوم

وش عقب مايخرس لساني حرف ماقلته

من وين ياسامع ؟ ولا خلها وسط غيوم

يستر خطا غالي ضد شي ٍ ماتحملته

كثير الي بغوا احكي والصدر دوم مكتوم

كثير الي تهاونته ومثله ياما تجاهلته

انكسر ضلع الحكي فيني وتوزع المقسوم

وشخصي ضحية حب وانت الي تناولته

لا تعاتبني ليه باحضان الحزن اصحى وانوم

لاتوقفني في طريق من صغري سلكته

احدها من شمال تجيني من جنوب سهوم

والوجيه الاربعه مثل الي فوق تمثلته

ربي يعاوني دامك كسيتنيي بالجروح هدوم

عريتني هم والبستني غم ..انت الي فصلته

ماقول ظالم لكن غديت من قسوتك مظلوم

ولو زارني ضيق صدقني انت الي تسببته

ولا ياخذك هم وتتعب انا من عمري مضيوم

همي رفيقي والجماعه حزن قبلني وتقبلته

.................

الله يبعد عنكم الحزن والهم

وسلامتكم ..:sm141: