|
عذبهـ ..{آآآآه محـلا ردهـــا بيــن الـردود..}!
مايـفّـرْح خـافـقـي زود الـــردود
يكـفـي الـخـفـاق روعـــة ردهـــا
لاكتبت تسلم .. وحطت لي ورود
تـوصـل الفـرحـه بقلـبـي حـدهــا
/
\
\
أسمها لاصار مو ضمـن الوجـود
تبـكـي عـيـون المشـاعـر فـقـدهـا
واعــيــه.. ماللثقـافـتـهـا حــــدود
تـجـذب عـقـول البـشـر وتشـدهـا
المـبـادىء والقـيـم فـيـهـا تـســود
الثقـل فـي مزحـهـا وفــي جـدهـا
طيبهـا منْبّعـه مـن طيـب الـجـدود
الآصـالـه ســاس ابـوهـا وجـدهـا
زلزلـت نبـض المشاعـر ياسعـود
وأحيْـت عـروق الـغـرام بلحـدهـا
قلبـي اللـي علّـم طويـق الصمـود
بكـل سهولـه صــار مـلـك بيـدّهـا
كـل يــوم ٍ قـدرهـا بقلـبـي يــزود
مـاقـوى الخـفـاق يـخـفـي ودهـــا
آآآآه مـحـلا ردهــا بـيـن الــردود
ياهـلا فــي مدحـهـا وفــي نقـدهـا
" م/ نقول "
|