[نبض الأمل]

ما هي اكثر وافضل لعبة كنت تلعبها و أنت صغيير؟؟؟
لعبة خاله(اللي نسوي فيها بيوت )

نشيد كنت تحبه أيامم الطفوله ؟؟ شخصيه كرتونيه كنت تحبها ؟؟
انا في الروضه ____ عدنان ولينا

كيف كنت ايام طفولتك شيطاني ولامؤدب ؟؟
اغلب شي مؤدبة بس تجيني حالات اصير شيطان صغير

ماهو الموقف اللي عرضت فيها اهلك للاحراج؟؟

اااااااه ياكثر المواقف (أذكر مرة تقريبا كنت في صف خامس اوسادس ابتدائي
كنا رايحين مكه وكنا ساكنين في الدور الثامن عاد الدور اللي حنا فيه فيه
جرس انذار خربان
دايما يشتغل لحاله ...المهم...في الظهر كل الاهل نايمين ماعدا انا واخوي اللي
اكبر مني بشوي سمعناه يرن
والله يسلمك قلبنا مابقى شي ويوقف من الخوف طرنا فوق الدرج ننزل(يقول لي اخوي يا
لخبله اذا ركبنا فوق اللفت يشب فينا) (وشوف النذاله نخلي اهلنا نايمين وننحاش
بدون مانقول لهم )
تخيل الشكل حافيين وحالتنا حاله
وكل دور نوصل له نصايح حريييييييق حريييييييق لين وصلنا تحت وحنا نرتجف بعدين نشوف
اخوي ينزل بكل برود فوق اللفت يقول للرسبشن وش صاير قال له
والله الجرس معلق عاد شوف وجهنا واخوي الكبير من الفشيله هذا غير الناس اللي نزلو مصدقين

هل كنت شخص ذو شخصيه قويه أم مغلوب عليه ؟؟
صراحه.صراحه.صراحه..مغلوب عليها بس الأول تحول

موقف حصل في طفولتك كان له دور في تغيير مجرى حياتك؟؟
مااذكر

اكبر عيديه جمعته كم ؟؟ ومن مين ؟؟
في حدود ثمانين ريال عاد من وين (من بيوت الناس خابرين انتو بزارين حنا نطلع في
بيت وندخل في الثاني وحنا مانعرفهم

يوم كنتي صغيره تسوين جدايل والا كاريه ؟؟
اسوي جدايل

يوم كنتي طفله تلعبين بكمبيوتر العائله ؟؟
لاغنى عنه

يوم كنتي طفله تلبسين مريول المدرسه وشباصات ميكي ماوس وشرايط بيض ؟؟
بس الشرايط زرق فيهم دوائر صغيرة على الجوانب

من كـان يدلعك أكثر أبوك ِ او أمك ؟
بصراحه اثنينهم كثر بعض

اســم دلعك بالطفوله لحد الان ينادونك فيـه ؟؟ وماهو ؟؟
لحد الحين ينادوني فيه لو اقوله كل اللي في الملتقى عرفوني

لحقت تتابعين سبيستون ؟ ولا القناه الاولي بالصبح والعصريه كم افلام كرتون بالدش ؟؟
لحقت على سبيستون

بطفولتك كنت / ي تبكي إذا ماجلستي بالاول بالطابور اوالفصل ؟؟
بالطابور لا أما في الفصل بصراحه اشنع الدنيا إذا ماجلست الاول

عندك لعبه موجوده من صغرك إلى الآلآن ؟ وماهي ؟؟
كانت الصورة اللي نشتريها خمس حبات بعشرة (لاماعندي انقرضت)

وش اكـثـر حلاوة كنـت تحـبهاا ..؟ايش اسم اول مـدرس/ ـه درستك ..؟
ام بقره و(ذيك الطويله اللي بريال فيها دوائر صغيرة الوان ماعرف اسمها) ....
أستاذه دانه

هـل كـنت تـعانـي مـن اخـطاء فـي مخـارج الحـروف ..؟
الحمدلله كل شي سليم


ما هو اجمل موقف او اجمل ذكرى تتذكرها من طفولتك ؟
حفلة تخرجي في ابتدائي بصراحه لايمكن نسيانها

ما هو أصعب أو أحزن موقف مر عليك في طفولتك ؟
وفاة جدتي الغاليه الله يرحمها

ما هي أجمل هدية تلقيتها في طفولتك ولم تنساها لليوم ؟

هديه كانت من خالي (مقلمه على شكل بيت فيها اوراق واقلام
و[ماسك الورق وهذا كان شي جديد عندنا]

هل هناك انسان معين كرهته في طفولتك .. ولماذا ؟
اي والله معلمه يوم اني كنت في اول متوسط كانت حاقده علي مدري ليه (تخيلو كل البنات
يقرون قرآن عادي واذا جى دوري تقول لي رتلي وانامسكينه ارتل لها على قدي
وتقول لي خطأ كلهم صح إلا انتي وانااصيح من الحرة بس ارتحنا منها الله يسامحها

كلنا انضربـنا اكيد... ولكن ما هي اصعب مرة انضربت فيها ؟؟
ولا زالت محفورة في ذاكرتك وسبب الضـرب وش كان؟
والله ماافتكر لاني قل مانضرب

هل كنت غيور بطفولتك من اخوانك وتحس فيه تمييز بينك وبينه؟
لا

هل ستربي اولادك بنفس الطريقة التي تربيت بها في طفولتك؟
ان شاءالله

اوصف طفولتك بجملة واحدة ؟
جميله جدا وياليتها ترجع