[شلال الظلام]

الجـزاء التـاسع عشــر
الفصــل الأول



2شــوال 1427
الساعــه السادســه مســاءً
سالي بتأفف :وهج شــوفي الغبيــه هذي بتقطــع لي شعـــري ...
الكـوافيره :شو بدي أعملك أنتي اللي مو راضيـه أعملك توصيل ...
سالي :تبغينــي أكــون ملعــونه بس عشــان عـرس ولا وش عرفك أنتي يالمتخلفه ... وصرخت قسم بالله أذا مأحتـرمتي حالك وتركتــي شعري بحـاله
لأقــوم وأنتف لك هالشعرتيــن اللي براسك ...
وهج بضحكـه مكتــومه :ولاموعروس وحــش ...
سالي :ماسألتك .. آآآآآآي ..
الكـوافيره :والله بالسماه ماعملـت لها حاجــه ...
سالي :ايييييييه انتي كنت أتوجع من راسي مصــدع ...
لبنى بنت سعــد :خالتــي أجيب لك بنادول ...
سالي :أنا قلت جيبــي ..
لبنى :لااااا ...
سالي :أجل خلاص ولاكلمــه ولاطلبت جيبــي ...
وبعــد ماخلصت الكـوافيره الميك آب ...
طالعـت سالي بوجهـا بالمـرايــه وبعـدم رضى قالت :وش ذاا انا ماقلت أبي كذا أمسحيــه ...
وهج :سالي والله حلــو ..
لبنى :خالتي صدقينـي بتندمي خليك على هذا حلــو ...
سالي :أحد طلب رايكــم اللحيــن بتمسحينــه ولا ايش ...
الكـوفيره :يعنــي مابدك هيك طيب كيف بدك ...
سالي :يوووووه أنتي حالتك صعبه أنا رايحه أغســل وجهــي ... ووسط ذهـولهم دخلــت دورة الميـاه وبعــد دقايق طلعت وهي غاسلــه وجها وشعــرها ...
الكـوفيره اللي سوت لهـا شعـرها :لا ليش هيــك ...
سالي :ميزاج عنــدك مانــع ترى مو متفضلين علــي أنا دافعه لكــم وكل هالتعـب بتأخذون حقكم عليــه ...
تأففت الكـوافيره وبنــص شغلهــا قالت سالي :يووه لا وش سويتــي أنا اللحيــن قلت كــذا ...
الكــوافيره :لابليــز مو تاني ....
سالي بعنـاد :تاني وتالت كمــان يالله سـوي اللي قلت لــك ....
لبنـى :خالتي حـرام عليك ارحميهــا ...
سالي :ارحمهـا وأنا أطلع سعلــوه أتحمـل هذا شغلهـا ...
ومع عنـاد سالي ومرواغاتها الكـوافيره مأقدرت تحمــل وجلست تبكــي ....
لبنــى و وهــج حاولوا يراضونهــا وسالي نزلت تحـت للمطبــخ تأكل لها شي وبالطــريق صادفت ناصــر اللي قال بأستهبــال :يمــه وش ذا لاتكــونين بتبقيــن كذا بتروعيــن ولد عمــي..
سالي :ياليت ...
ناصــر :وش منزلك والله عرايس أخــر زمن مايعرفــون يدخلـون المطبـخ الا ليلة عــرسهـم ...
سالي :الخبلــه هذي جالســه تبكــي ...
ناصـر :مين وهج ....
سالي :لاااا ..
ناصــر :أجل ميــن ..
سالي :الكـوفيره ...
ناصــر بذكـاء :وش سويتــي فيها يامجـرمه ..
سالي :ماسويت شي بــس هي ماعنـدها قدره على التحمــل ...
ناصــر :حرام خافي ربك بالضعيفــه .,..
سالي بملل:ايه طيب وخـر عني بنزل ...
ناصــر :لا وش تنزلين انتي روحـي حجرتك وأرسلي أي أحـد يجيب لك اللي تبيــن ..
سالي باستخفاف :والله أنك طيب بس أنا أبي أجيب اللي أبي بنفسي ...
ونزلت تحـت وهي فالمطبــخ تدور أي شي بــس تفرغ فيــه القهـر اللي بداخلهــا شافت واحد من عيال سعــد أخــوها ومعــه كاكاو ...
سالي :هلا والله بحيبيبــي تعال ياقلبي تعال ...
قرب الصغيــر منهـا بخجــل ..
سالي وهي تبــوسه :انت مهنــد ...
الصغيـر :لاتلال ...
سالي :يألبي تلال طيب معك واحد ثانــي ...
الصغيـر هز راسه ايه ...
سالي بتمسكــن :طيب عطنــي ...
الصغيــر على طـلع لهـا واحــد من جيبــه ... وأخذتــه سالي منـه بفرحـه طفــوليــه ...
طلعت لفــوق وهي تأكلــه ...
أول مادخلــت الغـرفه ...
وهــج ولبنــى بالصــرخه :لاااااااااااااااااااااااااااا ..
سالي براءه :وش فيكــم ... وقربت من المـرايه تطالع شكلهـا فيهـا :يوه وش سويت خربت الدنيـا بس ماكنـت قاصـده مأدري كيف طلــع كــذا ...
وبعـــد مجهــود كبيــر قدرت الكـوافيره تســويها ...وبعــد ماخلصت ...
الكـوافيره :شو هيك عاجبك ولانعيــد من جديد ..
سالي :لاخــلاص كذا يمشــي الحـال ...
سالي :وهج الساعــه كــم ...
وهج اللي مســويه شعـرها والميك آب بس باقي تلبــس :عشــره يالله جاء وقت الفستـان ...
سالي : لا أنتظـري شوي بأرتاح احس الصداع رجــع لي ...
وبعــد عشـر دقايق دخلت عليهـم لبنى وجنــى ...
لبنـــى :ماشاءالله خالتــي طالعــه قمــر ...
سالي :من يومي قمــر مأحتاج مــدحك ...
لبنـى بضحكــه :طيب يأحلى خاله يالله عشـان تلبسين فستانك يبيلـــه شغل ...
سالي بخبث بتلعب بأعصـابهــم :طيب دامـه يبيلــه شغل بلبس أي فستـان مو شرط هــو ......
جنــى بصرخـه :لاااااااا سالي واللي يرحـم والديك مو وقتــه ...

سالي :جنــى وجع أنا جالسـه قدامك ماله داعـي كل هالصــراخ ..!!
بعــد عشــر دقايق ...
لبنــى :يالله خالتــي تلبسين الفستــان ..
سالي بأنفعــال :بليــز شيلي هاللهجــه الأمــره من صوتك لأني مأحب أحد يأمرنـي أذا تعـدل ميزاجــي أنا بقــوم وألبســه بالنفسي ...
وهج بعصبيــه :سالي بليز مو حاله هذي صايرت لنا طفلــه مايكفــي أنك رفضتــي تتزينيــن فجناحك بالفنــدق اللحيــن بالله عليك قولــي كيف بتلبسين الفستــان وتروحــين للقـاعه ...
سالي:كل اللي أسويــه من الحــره اللي فينــي مسوين لي عــرس وهيصــه وكل اللي حـولي مبسوطيــن بس أنااللي مفروض اكــون عــروس وهذا اسعــد أيام عمــري مقهــوره واحــس بالنار تحرقني داخــل قلبــي ماني قادره أتحمـــل أنا مأدري كيف وصلت لهـالمــرحله وماجنيــت ...
جنــى بالدهشــه :سالي حبيبتــي وش قاعـــده تقوليــن لاتكـوني خايفـه ..!!!
لبنــى :عادي شي طبيعــي بتوتر وتخاف ...
سالي اللي يأست أحد يفهمهـــا :هذاك أنتي مو انا .. واللحيــن اطلــعوا بلبــس ...
لبنــى :كنت بقول بساعـدك بس داريــه ماراح ترضيــن والأفضــل وهج تبقى معك تساعــدك كبــدايــه ...
سالي :خلصتــي يالله برى وأذا احتجناك بناديك ...
وبعــد ماطلعــوا ...
سالي :أقول وهج وش رايك تلبسينــه بدالي ...
وهج :سخيفــه وربي سخيفــه ...
سالي :طيب لاتبكيــن ماني غاصبتك تلبسينـــه ...
وهج :مارح ارد عليك لأني مأبغى فأخــر يوم اشوفك فيــه نتخانق ...
سالي :من قالك أنه اخــر يوم راجعــه لكــم ياحبيبتــي وبأسـرع مماتتــوقعيــن ...
وهج :طيب يالواثقه أرفعي راسك فوق ...
سالي بأستهبــال:أنا دايم رافـعه راســي ...
وهج بقهــر :سالي والله لأعفس لك شعــرك أنا ماتعــدلتي ...
سالي :طيب بس بشويش ... أحس فروة رأسي تحكنــي ...
وهج :شي عادي كم مره استشــورت لك شعـرك اليوم ...
سالي :كثير ماعديتهـــن ...هاه خلصتــي ...
وهج :لاباقي الطبقــه الثانيــه لازم يدخــلون البنــات يساعـدوني ..
سالي :طيب بسرعه ترى أذا فقدت اعصابي بخـرب عليكم كــل شي ...
وبعـد ساعتيــن كانــوا فالقــاعـه واقفيــن عند المــدخل اللي بتدخــل منــه سالي ومصـورتيــن قدامــهم ...
سالي : أسمعــوا مأبي احد يقرب منــي ...
لبنــى :ماكان كذا اتفــاقنــا لازم أحــد يكــون معك فستانك مــره طــويل من قــدام كيف بتقـدرين تعاملين معه بدون مسـاعده ...
سالي :لاتخافين ماراح اطيــح وافشلكــم بس لأحــد يقرب منــي لين اجلــس على الكــوشه ...
وهج :على الأقــل هديل تكــون معك ...
سالي بأصــرار :قلت لا يعنــي لا ومأبي احــد يمشــي وراي بعــد ...
جنــى بصرخة أحتجــاج :لااااا عاد قويــه هذي ...
سالي :بليز أدخلــوا وجلسـوا بمكــان استراتيجـي عشـان تشوفني كـويس ولاترى برجع من مكـان ماجيــت ...
وهج :سالي خلينا معك ...
ويوم شافت سالي مطنشتـها وقاعــده تعدل عقــدها لحقت بى جنــى ولبنى اللي كانوا سابقاتها للقـاعه ...
سمعت صوت المــوسيقى يبدأ هـادي وكل مالــه يعلى ...
تحــركت بعد ماعطتها المصـوره اشاره ...
مالقت أي صعـوبه فالتعامــل مع فستــانها وكانت تمشــي بكل سهــوله وعيونها على الموجـوديــن وتوزع على اللي تعرفهم ابتســامات واثقــه شافت كم بنت تعرفهم من الجامعــه ومعهم عبيـــر يأشــرون لهــا بحمــاس ويصفـرون ... رفعت راسها لهم واشرت بالمسكـــه ولا همــها اللي بيقــولونه الناس عنهــا ,, كملت طريقها للكـوشه وأول ماجلست جتها امهــا وأم ناصـــر وحــريم كثير يسلمــون عليهــا ... توها بتجلـس جوها جنــى ولبنى وهج ومعهــم أبتهــال ...
وجلســوا يهذرون علــى راسهـا ويصورون معهــا ...
وسألت هي أبتهال بخبث :ويــن أمك يأبتهــال ..؟؟!!!