[كلمة حق]

لهيب الشوق حد الموق وحدّر دمعتي... باسهاب
ولا قدّر شقا مخلص وشكلـه نـاوي احراقـي


هموم القلب وهمومي وحزني والدموع ...اقراب
وجفني السهر والليل وجرح ٍ داخـل اعماقـي


جحافل هم زارتني وذاب القلـب منهـا ...ذاب
غزت قلبي ولا بقّت لذكـرى فرحتـي باقـي


حبيبي ناظر بعيني بحور من الدموع ...عتـاب
تصافق فوق لجّه دمعة المحروم ...تنساقـي


ياصاح غلطتي انـي وثقـت بعالـم ٍ ...كـذاب
غدر فيني وعثّرني وصـح النـوم ...ياساقـي


الا ياقلب لاتبكـي ولاتجـزع ولا ...ترتـاب
تماسك فالصبر حكمـه ولاتلعـب ...بأوراقـي


دع الايام تبدي لك خوافي من غدا ومن ...غاب
فأمـا طايـر يغـرّد وامـا طيـر ...نعّاقـي