[كلمة حق]

السلام عليكم ورحمة الله وبركاته


كيف حالكم عساكم بخير يانشاما


هذي قصيده أعجبتني وحبيت انقلها لكم


أسئله؟
أسئله؟
أسئله؟؟

ܔْށ.. حوارمع الزمن ..ܔْށ


ألا والبارحه خاوى السهرجفـن وهـدب وعيـون
وشفـت العيـن تتجاهـل دروب النـوم ونعاسـه
وشفت الهم خاوى الياس صار بصحبته مرهـون
على رغم التنافر شفت انا همـه صحـب ياسـه
وشفت اللى بشلفى الوقت ورماح الزمن مطعـون
تعـب يلملـم جـروح ٍ تبعثـر فـوق قرطاسـه
تعب ينطرشروق الشمس وصبح ٍ ماتهيـا يكـون
على جال السماء يبصـر بليـل ٍ يخلـع لباسـه
وانا اللي في سوال الوقت عن ماضيٍ قضا مفتون
عن اللى يكمن بصدره وعن اللى وسط هوجاسـه
عن افكاره وتفكيره وعن اللـي بداخلـه مكنـون
وعن اليمه ووجهاتـه وعـن الباقـي وحساسـه
وعن ذاك الذي من اول وصار اليوم يرجي العون
وعن اللي امس وصار اليوم يتفاخر حيل بلباسـه
وعن رجال ٍلهم صولات مداهيل ٍ قبـل وركـون
عليهم يزبن المقهور ومن ضيـم وضعـف باسـه
وعن حر ٍ رما سبوقه وعاف الرجم وحب الهـون
وعن خربٍ تمخض ونتهض عن وكـر قرناسـه
وعن ذاك الذي جيتـه حزيـن ٍ ساكـتٍ مغبـون
وعن اللي قبل كان اطرم وتكلـم وكبـر مقياسـه
وعن اللي ماعرف ينطق وغدا شاعريجر الحـون
وعن اللي مايعرف الرسم ولـه ريشـه وكراسـه
وعن اللي يدعي بالعرف وهو جاهل وما من لـون
دروب الجهـل بقدامـه وطاهـا وطبـه وداسـه
وعن ذاك الضباب اللي يتهزى في حقوق مـزون
وعن ذاك الرمـاد اللـي هـزا بالنـار ومقباسـه
وعن ذاك الجراد اللي كلا خضر الشجر وغصون
وعـن ذاك الـذي ينجـح بـلا تقديـر ودراسـه
وعن ذاك الحصان اللي بلا رغبه غـدا مرسـون
وعن راع الكديـش اللـي يشـوم اليـوم لفراسـه
وعن ذاك الشباب اللي اخبـره فـارع ٍ مزيـون
وعن العود الذي جيتـه يتشهـد يلفـض انفاسـه
وعن قصر ٍ قبل شامخ بقلاعه يفتخر وحصـون
وعن الجاه وعن الهيبه وعـن رجالـه وجلاسـه
وعن كنوزه وما يحوي وعن خزنته والمضمـون
وعـن بابـه وشباكـه وعـن قفلـه وتربـاسـه
وعن ذاك الكرم والجود وعن حيل ٍ بوسط صحون
وعن حصن ٍ قبل تصهل وعن الفريس والساسـه
وعن الخيل ومرابطها وسيفٍ صـارم ٍ مسنـون
وعن الدرع وعن الجوخه وعن جيوشه وحراسـه
وعن العود وعن الهيل وعن رجال ٍ قبل يلفـون
وعـن النـار ومواقدهـا ومداهيـلـه وونـاسـه
وعن المرجان والياقوت وعن در ٍ قبـل مكنـون
وعن اللي بدل الجوهر يحسبـه كسـب بنحاسـه
انا اللي احترت في قلوب البشر وبعالم ٍ مجنـون
قلب وضع الزمن خـلاه منكـوس ٍعلـى راسـه
صدور ٍ بالحقد فاضة وقلـبٍ بالحسـد مشحـون
عسـا ربـي يجنبـنـا شياطيـنـه ووسـواسـه
وقتٍ صارمتذبذب علـى خـذل الرجـال يمـون
هل الخيل وهل السيف وهل الدرع وهل الطاسـه
الا ياوقت جاوبنـي وانـا شاكـر ولـك ممنـون
من اللي كسب في سوقك ومن اللي اعلن افلاسـه
قال ان الذهب بدل كسـد سوقـه غـدا ممهـون
وغلي في سوقي الفضه ورخص في سوقي الماسه
رخص في سوقي الياقوت ودر ولولو ٍ مصيـون
عزيز القوم صار اليوم حـول البـاب مجلاسـه
غدا فيه الذنب راس وطـا الـراس بـه ومتـون
امور ٍ صعب تفهمهـا غـدت بالحيـل محتاسـه
قفا ونتحـا عنـي وقـال الصبـح صـح النـون
وتبخر هاجسي عنـي وصافـح صبحهـا لعاسـه
قلت اشكرك مـا لومـك الـوم العالـم المجنـون
الـوم اللـي تنكـر فـي طباعـن لهلـه وناسـه
وانا مؤمن بأن الكـون يـدار بأمـر رب الكـون
ولكن شاعـر ٍ حـاول يجسـد واقـع احساسـه


دمتم بخير

ـــــــــــــــــــــــــــــــــــــــــ