[تولين]

المشاركة الأصلية كتبت بواسطة قناص المقناص

عليكم السلام ورحمة الله وبركاته

طرح جميل جدا

بس في نفس الوقت احزنني ..

قرأت وكأنني اعود لما قبل سنتين وكارثة حرية المرأه وحقوقها

وسالفة سواقة المرأه

وقيادتها وحقوقها في مناصب كبيره ..

لا ابخس حق المرأه ولا اقلل من شأنها

وراء كل رجل عظيم امرأه

لكن ليس في كل المجالات

وبالاخص الرياضه

لانها لاتقود اشخاص معيني او اداره او مناقصه

فهي تقود لاعبين البعض منهم متعصب والبعض الاخر متحمس

فلو قلنا ادارة النادي بنت فكيف لها ان تتعامل مع رجال؟ لاعبين ؟

في قمة الصلابه والخشونه فكيف لهم ان يتعاملوا مع اداره من الجنس الناعم؟

فربما كلامي انحرف عن المسار لكنه من وجهة نظري صحيح وكل الصحه

فكيف للاعب ان يتخيل ان مديرته بنت؟

فهل للبنات ملاعب مثلا او شيء مثل هذا!

وكيف ستذهب وتتنقل مع اللاعبين في دوراتهم وكيف تستقبل مواهب جديده ؟


تطرق اخوي بو طلال عن الانقياديه ومجال الكره

فتطرقت انا عن الانقياديه واسلوب التعامل ومدى سلبية تأثيره لو تصورنا مثلا ان لاعب في نادي ادارته بنت!!


اسمحيلي اختي ان الف بمقود موضوعك ودفة حروفك الى مسار اخر ..

ولنقل مثلا ..

لماذا لا يكون لنا نادي؟


ماشاء الله كلام جميل جدا


اناا يوم اني قريت العنوان اشوي ويصيبني جنون اتمنى تكوني جنبي واذبحك اخلص عليك من الدنيا عذريني اختي على الاسلوب

بقول لك كلام انا حاولوا النادي انهم يضموني مع الفريق شخصيات حاولو لاكن باءت با الفشل السبب اهلي كلهم مانعيني بسبب المشاكل

اللي تصير في النادي سواء اداريه ،لاعبين ،........ ترى متحفظ في كلامي وافهم يافهيم عيب الكلام اللي تتفوهين به قبل قالو سياقة المراءه وعلى فكره الكويت عندها الحريم يسوقون وسجلت وحالات اغتصاب وبلاوي والحين ودها تمنع الحريم يسوقون يعني لو تعطلت السياره في طريق من المنقذ ؟؟؟؟؟؟؟؟؟؟؟ الحين احنا با العوايل وشايلين همهم تبين تسوقين الحالك ؟؟؟وبا المقارنه للاداره

الغريب كيف جاتك الجراءه انك تطرحين ذا الموضوع ؟؟؟

اقول استريحي بس

عليكم يا النساء ادارة بيوتكن واولادكن وصعدوا بهم الى الدرجه الاولى والممتاز ههههههههههههههههه

اسمحي اقول هاذي مسخره وتفاهات تتناقل عبر المنتديات

بصدق انتو مشكله ياجيل بومزاز

وهذا هيض من فيض

اتمنى ماينمسح ردي

هههههههههههه حراااام عليك الموضوع مايوصل انك تبي تذبحني انا وش قلت علشان هذا كله !!!

وربي ضحكتني من قلبي بسم الله علي منك خخخخخخخخ ربي يسعدك خيوو

انا قلت قولوا رأيكم وما قلت ان المرأه بكره راح تتسلم رئاسة النادي فرقوااا بين الكلام اللي اقوله

يعني الموضوووع فقط للنقاش لا أكثر ولا أقل وصدقني المرأه تقدر بذكائها تدير كل شئ لأنها قياديه وعقلها يوزن بلد

وليـــــه ينحذف ردك بالعكس هذا رأيك وأنا احترمه برحابة صدر وانا اتقبل النقد الهادف دامه في صلب الموضووع

ومن ناحية سواقة السياره هذا موضووع ثاني طيب بقول لك شئ ايهما افضل

ان المرأه تظل مع السواق في السياره ولحالها اكثر من 4 ساعات او انها تسوق لحالها ومامعها احد ؟؟

طبعا مع السواق راح تكون هناك خلوه غير شرعيه صح ولا لا ,,

لكن لحالها هذا شئ ثاني ولو ان احنا متعودين على هالشئ من 50 سنه مضت كان صار الموضوع عادي

لكن طبعا لايخلوو الموضووع من بعض الحالات من الإغتصاب وغيرها وطبعا هالشئ لايقتصر على سواقة السياره وبس

لكن سبحان الله كل شئ مقدر ومكتوب في السياره وبرا السياره ,,

والسواقه هذي لها موضووع لحاله ومحتاجه رد ونقاش مطووول

ع العموم انا أحترم رأيك واختلاف الرأي لايفسد للود قضيه

مشكوور اخوي على ردك ومرورك العطر

ربي يحفظك

دمت