[QUOTE=عبدالرحمن الغريب;463202]أخواني في الملتقي
طابت أوقاتكم بالسرور وطابت أيام شهركم الفائت والقادم
أبارك لكم جميعا ً بشهر الخير والبركات والغفران . . أبارك نثرا ً ، وأبارك لكم شـعـرا ً بهذه الأبيات :
يالله ياللي تكتب المقسوم= يا عالم اللي راح والآتي
الامر عندك بالقدر محكوم = في الارض والا ّ في السموااتِ
ما غاب في ذا الكون لك معـلوم = ما تحـْجـبهْ عـنـْك المظـلـْماتِ
ويلا قعدنا ون بغـينا انــْقوم = واقـْوالنا في كل الاوقاتِ
باسمك إلهي نبْـتـديها دوم = نكسـب بها جـزل البراكاتِ
من بعـد ذا أبكتب المنظوم = اللي امْزاحـمني وَلا باتِ
شفت المعاني فرْدَها والتوم = وْ هـبـّت عـليْ ريح المسرّاتِ
هيـّض شـعـوري قبل شهر الصوم = من شان اكـَتـْبه بالصـحـيفاتِ
ويكون هو من اول المرسوم = يهدي تهاني للبرياتِ
قلت الهدف من كل ذا مفهوم = والدرب يُعـْرف بالعلاماتِ
وْخذ ْت القـلم من فجر هذا اليوم = في صـفحـتي كتبت الابياتِ
الشهر جا والخير به موسوم = للناس تعـمل فيه طاعاتِ
والاجر به مع الرضى محـسـوم = بامر الولي جـزل العـطـيّاتِ
للي يصـوم وْللصلاة ايْـقوم = وْيقرا من القرآن آياتِ
وْلا ياخذه عـنـهـا كثير النوم = وَلا تضـَيّعْـه القـنواتِ
وْيبعد بنفـسـه عن مكان اللوم = وَ لا يوَقــّف له بسـاحاتِ
من بعد ذا صـلـّوا على المعـصـوم = اللي ركز للدين راياتِ
bkcمبارك عليكم شهر الصوم
وسـلامتكم كلكم وكلكنّ
[/QUOTE